Көкшетауда 12 жастағы қызды зорлаған күдіктінің суреті жарияланды

КӨКШЕТАУ. ҚазАқпарат - Көкшетауда 12 жастағы жасөспірімді зорлаған күдіктінің фото роботы жарияланды, деп хабарлайды ҚазАқпарат тілшісі.

Қазіргі кезде қала көшелерінде күдікті деген педофилдің түр-тұрпаты бейнелеген суреттер ілініп тұр. Сурет 1982 жылғы куәгердің айтуы бойынша жасалынған.

Іздестіру дерегі бойынша күдіктінің бет бейнесі азиялыққа ұқсас. Жасы шамамен 25-30 аралығында. Бойы 165-170 сантиметр.

Үстіне ақшыл түсті дақтары көйлек, қара түсті шалбар киген, қара түсті сөмке ұстаған.

Еске сала кетейік, осыған дейін хабарлағанымыздай сұмдық оқиға ағымдағы жылдың 4 тамызында болды.

Облыс орталығындағы Бармашино ауданы аумағында кешкі сағат 21:00-дер шамасында белгісіз ер адам 12 жастағы жасөспірімді зорлаған болатын. Кейін ішкі істер органдарының қызметкерлері күдіктіні ұстау бойынша кешенді шараларды қолға алды. Алайда, күдікті осы уақытқа дейін табылған жоқ.