Көкшетауда №11 орта мектеп мұғалімі күйеуінің қолынан қаза тапты
2015 жылғы 23 қараша 14:11

Көкшетауда №11 орта мектеп мұғалімі күйеуінің қолынан қаза тапты

КӨКШЕТАУ. ҚазАқпарат - Көкшетаудағы №11 орта мектеп мұғалімі күйеуінің қолынан қаза тапты.

Бұл туралы «ҚазАқпарат» тілшісіне аталған білім ордасының басшылығы мәлімдеді.

Мектеп басшылығының айтуынша, марқұмның жасы 50 жас шамасында болған. Аталған №11 орта мектепте 2-ші коррекциялық сыныптың мұғалімі болып қызмет істеген. Жан түршігерлік оқиға мұғалімнің өз үйінде болған. Неге екені белгісіз заңды күйеуі ұрып соғып, екі жерден - мойын және иық тұсынан пышақ салған.

Мұны облыстық ІІД баспасөз қызметі де растап отыр.

«Әзірге, ер адамның мұндай қылмысқа баруының себебі белгісіз. Қазіргі кезде сот-медициналық сараптама тағайындалып, ҚР ҚК 106-бабының 1-бөлімі бойынша қылмыстық іс қозғалды», деп түсіндірді баспасөз қызметінен.

Jańalyqtar

Үрдіс

MURAǴAT