Көкшетауда 10 метрлік «қанатты домбыра» орнатылды
Шахмет Құсайынов атындағы Ақмола облыстық қазақ музыкалық-драма театрының алдына орнатылған стелланың авторы көкшетаулық танымал мүсінші және суретші Манарбек Бұрмағанов.
«Домбыра - бұл Қазақ халқының әйгілі әнші-композиторы, ақыны Біржан сал мен Ақан серінің музыкалық аспабы. «Қанатты домбыра» жасау туралы ойым бұрыннан бар еді. 2014 жылы алғашқы нобайын жасап, туризм басқармасына тапсырдым. Биылғы жылы менің «қанатты домбырам» қызығушылық танытып, жүзеге асырылды», деп өзінің ойымен бөлісті. М. Бұрмағанов.
Оның сөзінше, «домбыра» стелласының биіктігі 10 метр және металл мен бетоннан жасалған. Сәулет ескерткіші Көкшетау қаласының 195 жылдығына сый ретінде қала күннін тойлайтын күні (маусымнның 28-29 күндері) ашылу керек еді. Алайда, Арыстағы оқиғаға байланысты мерекелік шара кейінге шегерілді. Қазіргі кезде ескерткіштің өзі орнатылды, тек маңында абаттандыру жұмыстары жалғасуда.
Айта кетейік, биыл Көкшетау қаласының іргесі қаланғанына 195 жыл толады. Осы мереке шеңберінде бірқатар шаралар ұйымдастыру жоспарланған болса, оның алды жүзеге асырылды.