Көкшетау маңында қоқыс полигонынан өрт шықты

КӨКШЕТАУ. ҚазАқпарат – Ақмола облысында қатты тұрмыстық қалдықтар полигонында қоқыс жанып жатыр, деп хабарлайды ҚазАқпарат.

«Көкшетау маңындағы Қызылжар ауылынан екі шақырым жерде қатты тұрмыстық қалдықтар полигонында қоқыстар бықсып жанып жатыр. Алдын ала мәлімет бойынша, аумағы 200 шаршы метрді құрайды. Жасалған шаралардың арқасында сағат 22.50-де өрттің таралуы тоқтатылды. Ауыздықтау жұмыстарына облыстық ТЖД мен жергілікті атқарушы органдардың 31 адамы мен 12 техникасы жұмылдырылды. Полигонның жалпы аумағы 30 гектар», - деді ҚР ІІМ Төтенше жағдайлар комитетінің ресми өкілі Нұрсұлтан Нұрахметов.