18:59, 21 Тамыз 2018 | GMT +6
Көкшетау көшелерінде бір табын сиыр жайылып жүр
КӨКШЕТАУ. ҚазАқпарат - Көкшетауда жайылып жүрген сиырларды əлеуметтік желі қолданушылар қызу талқылауда, деп хабарлайды ҚазАқпарат тілшісі.
Көкшетау қаласындағы "Сарыарқа" шағын ауданындағы көпқабаты тұрғын үйлердің ауласында жайылып жүрген бір табын сиыр тұрғындарды таңғалдырып отыр.
Желі қолданушыларының бірі малшы жаңбырдан үйіне жылынуға кетті деп əзілдесе, енді бірі сиырлар нөсер жаңбырдан бағытынан адасты деп санайды. Тіпті, кейбір адамдар бұл бірінші жағдай емес, осыған дейін жылқылар да қаланың ішінде "қыдырып" жүргенін еске салуда.