+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Қоғамдық келісім кеңестерінің әлеуетін әлеуметтің әл-ауқатын көтеруге жұмсау керек

2019 жылғы 27 қыркүйек 14:16
Бөлісіңіз:
Қоғамдық келісім кеңестерінің әлеуетін әлеуметтің әл-ауқатын көтеруге жұмсау керек

АЛМАТЫ. ҚазАқпарат - Бүгін Алматы қаласындағы Достық үйінде өткен Қазақстан халқы Ассамблеясының «Қоғамдық келісім кеңесінің қазақстандықтардың өмір сапасын жақсартудағы рөлі» республикалық форумында жалпыұлттық диалогты жолға қою жолдары талқыланды, деп хабарлайды ҚазАқпарат.

Ұқсас жаңалықтар
Жолдауды іске асыруға Қазақстан халқы Ассамблеясы да белсене қатысады - Жансейіт Түймебаев Жансейіт Түймебаев Молдова елшісімен кездесті Мектепке жол: ҚХА 10 мың оқушыға 200 млн теңгенің көмегін көрсетті

Форум аясындағы дөңгелек үстелде бас қосқан Қазақстан халқы Ассамблеясы Төрағасының орынбасары – Хатшылық меңгерушісі Жансейіт Түймебаев, Алматы қаласының әкімі Бақытжан Сағынтаев, ҚР Парламенті депутаттары, Ассамблея кеңесінің, Қоғамдық келісім кеңестерінің, ҚХА Ғылыми-сарапшылық кеңесінің мүшелері, мемлекеттік органдар мен этно-мәдени бірлестіктер өкілдері халық тұрмысының сапасын жақсарту жөніндегі мәселелерді талқылап, қоғамдық келісім Кеңестерінің рөлін арттыру, жалпымемлекеттік міндеттерді шешу жолдарын сарапқа салды.


Бүгін форум тақырыбына тұздық болған күн тәртібі Президент Жолдауында маңыздылығына мән артылған мәселелер мен тапсырылған міндеттерді жүзеге асыру мақсатынан туындайды. Президент Қасым-Жомарт Тоқаев елдің тұрақтылығы мен дамуы үшін қоғамдық диалог алаңдарының жұмысын жандандырып, өзектілігі мен белсенділігін арттыруды тапсырған болатын. Форум барысында сөз алған қабылдаушы тарап, Алматы қаласының әкімі, қалалық Қазақстан халқы Ассамблеясының төрағасы Бақытжан Сағынтаев осы мақсатта оңтүстік астана бойынша атқарылып жатқан жұмыстарды таныстырып өтті. Сондай-ақ, қоғамдық келісім кеңестерінің аймақта атқарып отырған жұмысына оң баға берді.

«Президент өз Жолдауында қоғам назарын әр адамды алаңдататын маңызды мәселелерге аудартып қана қоймай, оны шешу жолдарын да ұсынды. Бұл Қазақстан азаматтарының заңды мүдделері мен құқығын қамтамасыз ету жолындағы батыл қадам болды. Президент Жолдауы экономикалық және әлеуметтік теңсіздікті жойып, әлеуметтік әділеттілік принциптерін үстем етуге және ең бастысы, еңбекке ынталандыруға жағдай туғызуға бағытталған», - деген Қазақстан халқы Ассамблеясы Төрағасының орынбасары Ж.Түймебаев Ол Жолдаудан туындайтын түйін, азаматтардың өз мәселесін өзі шешу мүмкіндіктерін арттыруға жағдай жасау керек деді.


«Бүгінде Ассамблея алдында Қазақстан Республикасы Президентінің Жолдауынан туындаған ауқымды міндеттер мен мақсаттар тұр. Соның бірі, жалпыұлттық қоғамдық диалогты жолға қою – Ассамблея жанындағы қоғамдық келісім кеңестерінің басты мақсаты болмақ», - деген Жансейіт Түймебаев.

Ол Қоғамдық келісім кеңестерінің ауқымын кеңейту арқылы, оған халықтың басым бөлігінің қатыстырылуын қамтамасыз ету керек, бұл халық ішінен мұқтаж жандарды тауып, олармен тікелей жұмыс жасауға мүмкіндік береді деп атап көрсетті.

Санды сарапқа болсақ, бүгінде ел ішінде Ассамблеяның 23 мыңнан астам адам топтасқан 2 786 Қоғамдық келісім кеңесі жұмыс жасауда. Оның ішінде 14-і облыс орталықтарында, 3-уі Нұр-Сұлтан, Алматы, Шымкент қалаларында, 42-сі қалаларда, 167- аудандарда, 2426-ы – ауылдық жерлерде, сондай-ақ, 134-і мекеме-кәсіпорындарда құрылған.

Форум аясында қатысушыларға «Қазақстан халқы Ассамблеясының Қоғамдық келісім кеңестерінің жұмысы» көрмесі таныстырылды. Мұнда қатысушылардың назарына елдің әр аймағындағы қоғамдық келісім кеңестерінің атқарып отырған жұмыстары туралы ақпарат ұсынылды. Және Ассамблеяның бір шаңырағына біріктірілген барлық этнос өкілдері өздерінің салт-дәстүрі мен мәдениетінен мағлұмат беретін тарих жәдігерлері мен қолөнер бұйымдарын ұсынды.


Сондай-ақ, форум барысында «Қоғамдық келісім кеңесінің жұмысында медиативті технологияларды пайдалану» тренингі ұйымдастырылды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT