Қоғамдық-гуманитарлық саладағы институттар бірлесе отырып, барлық стратегиялық тапсырмаларды шеше алады - М. Әшімбаев
Бұл туралы бүгін елордада «Қоғамдық-гуманитарлық саладағы институттардың қызметі» тақырыбында өтіп жатқан дөңгелек үстелде Президент Әкімшілігі Басшысының орынбасары Мәулен Әшімбаев мәлім етті, деп хабарлайды ҚазАқпарат.
«Тәртіптік зерттеулер арасындағы тәжірибені кеңейту қажет. Бізге түскен есеп бойынша әр институтпен зерттеулер жекеленген түрде жүргізіледі. Ал күш-жігерді біріктіру, әрине зерттеулердің сапасына оңды әсер етуі мүмкін. Бұл жұмыс, әсіресе Тәуелсіз Қазақстанның жаңа тарихын жазуда өзекті саналады», деді М. Әшімбаев.
Оның айтуынша, экономикалық, әлеуметтік, саяси жаңарудың үдерістерін жан-жақты зерттеу үшін әр салаға мамандандырылған институттар қызметкерлерінің іскерлігі керек болады.
Сонымен қатар, М. Әшімбаев осы институттардың ЕҚЫҰ-ға төрағалық ету қарсаңындағы, «Еуропаға жол» бағдарламасы аясындағы атқаратын жұмыстарының маңыздылығына тоқталды.