+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Қоғамдық бақылау: Шу аудандық ауруханасына 2 млн теңгенің дәрі-дәрмегі жеткізіледі

2020 жылғы 13 шілде 12:01
Бөлісіңіз:
Қоғамдық бақылау: Шу аудандық ауруханасына 2 млн теңгенің дәрі-дәрмегі жеткізіледі

НҰР-СҰЛТАН. ҚазАқпарат – «Қоғамдық бақылау» жобасының белсенділері Жамбыл облысының Шу аудандық ауруханасындағы дәрі-дәрмектердің жетіспеушілігі мәселесін шешті, деп хабарлайды ҚазАқпарат тілшісі Ақпарат және қоғамдық даму министрлігі тарапынан жоба үйлестірушісі Лима Диасқа сілтеме жасап.

Ұқсас жаңалықтар
Өткен тәулікте пневмониямен ауырғандар - 1011, 15  адам қайтыс болды Әзербайжанның бірқатар қаласында карантин режимі жеңілдетілді Шымкенттегі провизорлы орындар мен күндізгі стационарларда ем алушылар 77%-ға азайды

«Кеше бізге Құралай Батырғажина жүгініп, Жамбыл облысы Шу ауданы Төле би ауылындағы аудандық ауруханада дәрі-дәрмектердің жетпей жатқанын хабарлады. Біз жергілікті атқарушы органдарға сауал-хат жолдадық. Ал бүгін Шу ауданының әкімі Нұржан Календерев облыс әкімінің тапсырмасымен Шу аудандық ауруханасының жұмысын тексерді. Нұржан Календерев медициалық персоналмен сөйлесіп, ұсыныстар мен өтініштерді тыңдады, ауруханаға түскен адамдардың жағдайын талқылады», - деп жазды Лима Диас «Қоғамдық бақылау» ресми тобының Facebook парақшасында.

Оның хабарлауынша, қазіргі уақытта 150 адамға есептелген ауруханада 46 пациент ем алып жатыр. Алты науқас жансақтау бөліміне орналастырылған. Аудандық ауруханада 6 жасанды тыныс алу аппараты бар.

«Таяу арада аймақ басшысының қолдауымен тағы 5 жасанды тыныс алу аппараты жеткізіліде. Сондай-ақ демеушілердің есебінен 5 оттегі концентраты жеткізіледі. Медициналық мекемеде «Гепарин» препараты жетіспей жатқан болатын. Ол проблеманы денсаулық сақтау басқармасы «СК-Фармация» компаниясының филиалымен сәтті шешті. Аудандық ауруханаға 2 миллион теңгенің дәрі-дәрмек партиясы мен антибиотиктер, антикоагулянттары бүгін жеткізіледі», - дейді ол.

Айта кетерлігі 11 шілдеде ҚР Денсаулық сақтау министрі Алексей Цой ауруханада емделіп жатқан науқастарға дәрі-дәрмек жетпей жатқаны туралы әлеуметтік желіде тараған видеоға қатысты жауап берген еді. Министр медициналық ұйымдардың жұмысын қадағалайтын халықтық бақылау құратынын айтқан.

Ақпарат және қоғамдық даму министрінің кеңесшісі әрі министрлік тарапынан «Халықтық бақылау» жобасының үйлестірушісі Лима Диастың айтуынша, бақылау ең алдымен дәрігерлерге көмектесу үшін қолға алынған.

Ақпарат және қоғамдық даму министрі Аида Балаеваның тапсырмасымен «Қоғамдық бақылау» акциясына «ҚазАқпарат» ХАА ақпараттық қолдау көрсетуде.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT