ФУТБОЛДАН ӘЛЕМ ЧЕМПИОНАТЫ-2022

Қоғамда білім үстемдігін қалыптастыратын кез келді - Президент

2022 жылғы 6 қазан, 16:59
Қоғамда білім үстемдігін қалыптастыратын кез келді - Президент

АСТАНА. ҚазАқпарат – Білім беру және ғылым саласы әрдайым мемлекеттің назарында болады. Бұл туралы халықтық коалиция форумында ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.

«Мен қоғамда заңдылық пен тәртіптің қатаң сақталуына баса мән беремін. Мұны үнемі айтып жүрмін. Осы ретте, тұрмыстық зорлық-зомбылық, адам және есірткі саудасы үшін жаза күшейтілді. Браконьерлікке қарсы заңдарды қатайттық. Табиғатты қорғау жұмысын мемлекеттік деңгейге көтердік. «Жұртқа жақын полиция» қағидаты бойынша тәртіп сақшыларының қызметін реформалау басталды», - деді Мемлекет басшысы президенттікке Қасым-Жомарт Тоқаевтың кандидатурасын қолдау жөніндегі халықтық коалицияның форумында.

Президент білім, ғылым саласын дамытуға айрықша назар аударылатындығын баса айтты.

«Қала және ауыл мектептері арасындағы айырмашылықты жою үшін нақты шаралар қолға алынды. Білім сапасы төмен жоғары оқу орындары жабыла бастады. Дарынды жастарды қолдау үшін «Тәуелсіздік ұрпақтары» атты грант беріле бастады. Жас ғалымдарға әлемнің беделді ғылыми орталықтарында озық білім алу үшін 500 және «Жас ғалым» жобасы аясында 1000 грант бөлінді. Жалпы, білім беру және ғылым саласы әрдайым мемлекеттің назарында болады. Мен бұл салаларға ерекше мән беремін. Қоғамда білім үстемдігін қалыптастыратын кез келді», - деді Қасым-Жомарт Тоқаев.


Ұқсас жаңалықтар
Серіктестер жаңалықтары

Jańalyqtar