+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Киікті қорғаған инспекторларға шабуыл: Полиция қылмыстық іс қозғады

2019 жылғы 23 шілде 17:33
Бөлісіңіз:
Киікті қорғаған инспекторларға шабуыл: Полиция қылмыстық іс қозғады

КӨКШЕТАУ. ҚазАқпарат - Ақмола облысында «Охотзоопром «ӨБ» РМҚК Орталық өңірлік филиалының инспекторларына шабуыл әрекеті бойынша ҚР ҚК 99 бабының 1 бөлігі негізінде қылмыстық іс қозғалды, деп хабарлайды ҚазАқпарат тілшісі облыстық ПД баспасөз қызметіне сілтеме жасап.

Ұқсас жаңалықтар
Петропавл тұрғыны әлеуметтік желіде діни мазмұндағы аудиофайлдарды таратқан Нұр-Сұлтанда мас күйде көлік айдаған әйел жүргізуші куәлігінен айырылды Алматыда ер адам үстіне бензин құйып, өз-өзін өртемек болған

«Қазіргі кезде арнайы құрылған жедел-тергеу тобы күдіктілерді ұстау бойынша кешенді шаралар жүргізуде. Күдіктілерді ұстауға Жарқайың, Есіл және Жақсы аудандарының полиция бөлімінің жеке құрамы тартылды. Патрульдік қызмет нарядынан күдіктілердің көлігіне тұспалдау берілді. Жарқайың және көрші аудандардың аумағында 10 блок бекет қойылды», дейді ведомство өкілдері.

Айта кетейік, осыған дейін хабарлағанымыздай, 23 шілдеде шамамен сағат 11.00-де «Охотзоопром «ӨБ» РМҚК Орталық өңірлік филиалының инспекторлары Ақмола облысы Жарқайың ауданында табиғатты қорғау заңнамасын бұзғандардың алдын алу шарасын жүргізген және киік ату фактісін анықтаған. Заң бұзушылардың ізіне түскен екі инспекторға қарсы оқ атылған. Соның салдарынан 1976 жылғы инспектор көз жұмса, 1975 жылғы әріптесі жараланып, Жарқайың аудандық аурханаға жатқызылды.

«Жедел-іздестіру шарасы одан әрі жалғасуда», деп толықтырды Ақмола облыстық ПД баспасөз қызметіндегілер.

Бүгін Мемлекет басшысы Қасым-Жомарт Тоқаев осы оқиғаға байланысты браконьерлердің қолынан қаза тапқан азаматтың отбасына көңіл айтты.

Ал ҚР Экология, геология және табиғи ресурстар министрі Мағзұм Мырзағалиев браконьерлер қолынан мерт болған инспектордың отбасына көңіл айтып, оның отбасына барлық қажетті көмектің көрсетілетіндігін жеткізді.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT