Киік атқан қостанайлық 2,5 жылға сотталды

ҚОСТАНАЙ. ҚазАқпарат – Қостанай облысының пробациялық есепте тұрған тұрғыны киік атқаны үшін 2,5 жыл бас бостандығынан айырылды, деп хабарлайды ҚазАқпарат тілшісі.

Бұл туралы Қостанай облысының қылмыстық-атқару жүйесі департаментінің баспасөз қызметі мәлімет берді.

Айыбы дәлелденген күдікті 2,5 жыл мерзіммен қоса 100 сағат қоғамдық жұмысқа жегілетін болды.

«Пробациялық есепте тұрған азамат өз кінәсін толық мойындады. Қоғамдық жұмысқа тарту жазасының қалай орындалғанына ауыл тұрғындары куә болды. Ол жол бойына көшет егуге атсалысты. Қайырымдылық акциясына ауыл әкімі мен ақсақалдары қатысып, ондаған ағаш екті», - деп жазады Қостанай облысының қылмыстық-атқару жүйесі департаментінің баспасөз қызметі.