Қолданушы баптаулары
Қолданушы баптаулары
+7 (701) 759 90 19 Лента
USD 378.87 EUR 422.40
RUB 5.87 CNY 54.85
Jańalyqtar

Киік, арқар етін қойдікі деп көрсететін фактілер көп - АШМ

2019 жылғы 14 ақпан 15:33 1304
Бөлісіңіз:
Киік, арқар етін қойдікі деп көрсететін фактілер көп - АШМ

АСТАНА. ҚазАқпарат - ҚР Ауыл шаруашылығы министрлігі браконьерлермен күрес саласындағы заң бұзушылықтарды жариялады. Қылмыскерлерге құқық қорғаушылар ғана емес, сараптама жасайтын мамандар да көмектесіп жатады, деп xабарлайды ҚазАқпарат тілшісі.

Ұқсас жаңалықтар
Зайсанда браконьерлер инспекторларға шабуыл жасады Шығыс Қазақстанда ҚР АШМ инспекторларына шабуыл жасалды

Орман шаруашылығы және жануарлар дүниесі комитетінің төрағасы Қайыр Рыскелдиновтың айтуынша, сараптама жасау кезінде киік немесе арқар сияқты сирек кезедесетін жануарлардың етін қой еті деп көрсету фактілері аз емес. Ал тәркіленген өліктердің саны әдейі азайтып жазылады.

«Бүгінде осы салада сараптама жасайтын мекемелер көп. Арнайы куәлікті алады да, сараптама жасай береді. Мәселен, осыдан үш жыл бұрын «Оxотзоопром»-ның инспекторлары Н.Ш.Кішкентаев деген азаматы ұстады. Оның көлігін тексеру кезінде терісі сыпырылған арқардың ұшасы табылды. Аталған факт бойынша Қарағанды облысы Ақтоғай ауданының ішкі істер бөлімі қылмыстық іс қозғады. Ал сараптама қорытындысында арқардың ұшасы "үй жануары" болып шықты. Ол сараптаманы жеке кәсіпкер С.З.Көпбаев өткізді. Оның жазып берген қорытындысы негізінде қылмыстық іс тоқтатылды», - деді Қ.Рыскелдинов Парламент Мәжілісінде өткен дөңгелек үстел отырысында.

Жеке кәсіпкер Көпбаевтың заңсыз әрекеттері онымен шектелмейді. Қарағанды облысының Нұра аудандық ішкі істер бөлімі Ж.К.Нұртаевқа қатысты қылмыстық істі қозғаған болатын. Оның жеке көлігінен киіктің 38 мүйізі табылды.

«Осы қылмыстық іс бойынша сараптаманы да жеке кәсіпкер С.З.Көпбаев жүргізген. Қолда бар мәліметтерге сәйкес, тергеу кезінде 38 мүйіздің бәрі зым-зия жоқ болып кеткен. Оны сарапшы Көпбаевтың өзі жоғалтты деп ашық көрсетілген. Қарағанды облысының Нұра аудандық ішкі істер бөлімі Көпбаевқа қатысты қылмыстық іс қозғады. Бірақ артынан ол іс тоқтатылды», - деп атап көрсетті Қ.Рыскелдинов.

Ресми мәліметке сәйкес, браконьерлерге қатысты қылмыстық істердің 41 проценті ғана сотқа түсіп жатады. Ал түрмеге қамалғандардың саны небәрі 9,5 процентті құрайды. Бес жылдың ішінде браконьерлерге тиесілі 379 көлік құралының 37-сі ғана тәркіленді.  

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Кожакелдиев Е.
Кожакелдиев Е.
954-059
MURAǴAT