Киев әуежайында қыз баланы құтқарған жігіт Ұлттық ұланның сарбазы болып шықты

None
None
НҰР-СҰЛТАН. ҚазАқпарат - Киев әуежайында кішкентай баланы құтқарып қалған жігіт ҚР Ұлттық ұланының сержанты болып шықты, деп хабарлайды ҚазАқпарат тілшісі.

«Кудиенко Алексей Александрович 2010-2017 жылдары Шымкент қаласындағы 6506-әскери бөлімшеде қызмет еткен. Ол материалдық-техникалық қамтамасыз ету ротасының автомобиль взводының аға жүргізушісі болған. 2017 жылдың тамызынан бері Алматы қаласындағы аппаратураларды жөндеу және байланыс өңірлік орталығының маманы болып жұмыс істейді», - деп мәлімдеді ҚР Ұлттық ұланының баспасөз қызметі.

Ұлттық ұланның Бас қолбасшылығы А. Кудиенкомен телефон арқылы байланысқанын жеткізді.

«Онымен телефон арқылы сөйлестік. Қазір ол пойызбен үйге қайтып жатқан болу керек», - делінген хабарламада.

Айта кетейік, осыған дейін Шымкент тұрғынының Киев әуежайында кішкентай қыз баланы құтқарып қалғандығы туралы жаздық.

Соңғы жаңалықтар