+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

«Киелі Қазақстан» салт аттылар экспедициясы мәресіне жетті

2019 жылғы 13 шілде 16:23
Бөлісіңіз:
«Киелі Қазақстан» салт аттылар экспедициясы мәресіне жетті

НҰР-СҰЛТАН. ҚазАқпарат - Бүгін «Киелі Қазақстан» экспедициясы толығымен аяқталды, деп хабарлайды ҚазАқпарат «QazaqGeography» республикалық қоғамдық бірлестігінің мәліметтеріне сілтеме жасап.

Қоғамдық бірлестік таратқан мәліметтерге қарағанда, экспедиция екі бөлімнен тұрды. Бірінші бағыт 21-29-маусым аралығында Сарыарқа бойымен жүзеге асты. Нұр-Сұлтан қаласынан шыққан топ Ақмола, Қарағанды, Павлодар облыстары мен Бұйратау, Баянауыл ұлттық парктерін басып өтті. Салт аттылар тәулігіне 50-60 шақырымды еңсеріп отырды.


Экспедицияның толық жүріп өткен жолдары: Нұр-Сұлтан –Қарағайлы археологиялық кешені – Соколиные горы (Бұйратау ҰТП) – Едіге би кесенесі – Алғабас ауылы – Белодымовский кордон, Қараағаш (БұйратауҰТП ) – Әлкей Марғұлан ауылы – Қарабұлақ ауылы – Мұса Шорманұлы ауылы – Бұқар Жырау кесенесі – Жаңатілек ауылы– Жаяу Мұса кесенесі –Баянауыл ауылы – Жасыбай көлі, С.Торайғыров кесенесі, Қоңыр әулие (Баянауыл ҰТП) – Нұр-Сұлтан қаласы.

Ал екінші бағыт Алматы облысы бойынша жүзеге асып, 1-шілдеде басталды. 25 салт аттыдан құралған топ 12 күнде 150 шақырымды атпен, 850 шақырымды көлікпен жүріп өтті. Қатысушылар Алматы облысының өзендері мен тауларын, шатқалдары мен асуларын бағындырды.

Сондай-ақ олар Алматы облысының өзендері мен тауларын, шатқалдары мен асуларынан, атап айтқанда, Ыссық, Аюлы сарқырамасы, Түрген өзені, Шыңтүрген шыршалары, Қайрақ сарқырамасы, Ой-Қарағай шатқалы сияқты бағыттармен өтті. Экспедициялық топ Дон-Жайлау шатқалы, Ассы үстірті, Қара-Арша шатқалы мен Аманжол шатқалы мен асуына жаңа салт атты бағдарларға жол ашты. Экспедицияның соңғы нүктесі бүгін Қайыңды өзені болды.

«Киелі Қазақстан 2019» экспедициясының бағыты Алматы облысы қонақтарының көңілінен шығары сөзсіз. Дәл қазір айта алатыным, салт аттылар туры 3 күнге созыла алады. Қонақтарға Көлсай көлдері, Қайыңды және Түрген шатқалы қызықты болады. Үстірт, жайлауы және асулар фотографтар үшін таптырмас орын болады», - деп экспедиция мүшесі және туроператор Ирина Жаркова өз ойымен бөлісті.


Экспедиция бағдары келесі нысандарды қамтыды: Алматы қаласы – «Есік» тарихи-мәдени қорық мұражайы – Аюлы сарқырамасы – Түрген өзені – Шыңтүргеннің қыналы шыршалары – Қайрақ сарқырамасы – Ой-Қарағай шатқалы – Дон-Жайлау шатқалы – Ассы үстірті – Асы обсерваториясы – Қара-Арша шатқалы – Қызылауыз асуы – Жіңішке өзені – Аманжол үстірті – Шелек өзені – Бірінші Көлсай көлі – Екінші Көлсай көлі – Қайыңды көлі – Алматы қаласы.

Экспедицияның мақсаты — атқа міну мәдениетін насихаттап, Қазақстанда атты туризмді дамыту. Жоба «Рухани жаңғыру» бағдарламасы мен Елбасының «Ұлы даланың жеті қыры» мақаласындағы атқа міну мәдениетін жаңғыртуға елеулі үлес қосады.

Шара ҚР Мәдениет және спорт министрлігіне қарасты туризм индустриясы Комитетінің бастауымен жүзеге асты. Ұйымдастырушысы - «Kazakh Tourism» ҰК, Сарыарқа бағыты бойынша маршрутты жасап және экспедицияны өткізген - «QazaqGeography» РҚБ.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT