+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

ҚХР елшісі қытай азаматы мен қазақ қыздарының арасындағы некеге қатысты ойын білдірді

2017 жылғы 12 қаңтар 16:11
Бөлісіңіз:
ҚХР елшісі қытай азаматы мен қазақ қыздарының арасындағы некеге қатысты ойын білдірді

АСТАНА. ҚазАқпарат - Қазақстан Республикасындағы Қытай Халық Республикасының Төтенше жəне өкілетті елшісі Чжан Ханьхуэй қытай азаматы мен қазақ қыздарының арасындағы некеге қатысты ойын білдірді, деп хабарлайды ҚазАқпарат.

«Екі ел азаматтары некелесіп жататын жайттар кездеседі. Қазақстанның көп азаматтары Қытайға жұмыс бабымен немесе оқуға келеді де, Қытайда қалып қойып жатады. Қазақ мəдениетін дəріптеп жүрген адамдар бар, Қытай тұрғындары сол адамдар арқылы Қазақстанның салт-дəстүрімен таныса алады. Бұндай некелерді біз құп көреміз деп айта алмаймын, бұл - табиғат заңы. Бірақ, жақсы деп ойлаймын. Бұл - біздің халықтар арасында дəстүрлі достық бар деген сөз, сол достық жемісін беріп жатыр деген сөз»,-дейді ол.

Елшінің айтуынша, қазақ қыздары Қытай азаматтарын қатты қызықтырады.

«Қытайдан келiп, жергiлiктi қыздарға үйленiп жатқанын бiлемiн. Мұндай жағдайлар көп. Бұл - қалыпты тәжiрибе. Ешкiм ешкiмдi шектемейдi. Қытайлық тараптан ешқандай кедергiлер жоқ. Бiрақ, әрине, екi жақтың да ниетi болуы керек. Қазақстандық қыздар қытайлық жiгiттерді өте қызықтырады. Себебі олар өте сұлу, нәзiк, жоғары бiлiмдi, ата-аналарын, үлкен кiсiлердi сыйлайды, отбасыларын жақсы көредi. Дәстүрiмiз бойынша бiзде ұқсастықтар көп»,-дейді ол.

Естеріңізге сала кетейік, Астанада қазақ қыздарын қалталы қытай жігіттерімен таныстыратын неке агенттігі ашылып, қоғам наразылығын тудырды.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT