ҚХЛ: Плей-офф кезеңіне шыққан командалар анықталды

НҰР-СҰЛТАН. ҚазАқпарат - Құрлықтық хоккей лигасы плей-офф кезеңіне жолдама алған барлық команда белгілі болды, деп хабарлайды ҚазАқпарат тілшісі.

Естеріңізге сала кетелік, елордалық «Барыс» құрлықтық хоккей лигасы тұрақты кезеңінің жалпы турнир кестесінде төртінші орын алса, шығыс конференциясында екінші орынға табан тіреді. Ал Чернышев дивизионында көш басында болды. Елордалық хоккейшілер бүгін Ресейдің Хабаровск қаласында бүгін жергілікті «Амур» командасынан 0:5 есебімен жеңіліп қалды. Соған қарамастан турнир кестесінде өз орнын сақтап қалды.

Енді «Барыс» плей-офф кезеңінде Ресейдің «Металлург» (Магнитогорск) командасымен шеберлік байқасады. Плей-офф ойындары 1 наурызда басталады.

Сондай-ақ, плей-офф кезеңінде СКА - «Витязь», ЦСКА - «Торпедо», «Йокерит» - «Локомотив», «Динамо» М - «Спартак», «Ак Барс» - «Нефтехимик», «Авангард» - «Салават Юлаев», «Автомобилист» - «Сибирь» командалаы кездеседі.