Қолданушы баптаулары
Қолданушы баптаулары
+7 (701) 759 90 19 Лента
USD 369.36 EUR 431.30
RUB 5.45 CNY 53.80
Жаңалықтар

ҚХЛ: «Нефтехимик» «Барыстан» есе қайтарды

2018 жылғы 12 қыркүйек 22:15 372
Бөлісіңіз:
ҚХЛ: «Нефтехимик» «Барыстан» есе қайтарды

АСТАНА. ҚазАқпарат - Бүгін, 12 қыркүйекте елордалық «Барыс» құрлықтық хоккей лигасындағы кезекті ойынын Ресейдің Нижнекамск қаласының «Нефтехимик» командасымен өткізді, деп хабарлайды ҚазАқпарат тілшісі.

Ұқсас жаңалықтар
ҚХЛ: «Барыс» жеңісті ойындар тізбегін жалғастырды ҚХЛ: «Барыс» жеңісті ойындар тізбегін жалғастырды

Кездесуде алғашқы шайбаны «Барыс» ойыншылары енгізді. Оны Даррен Диц өзінің еншісіне жазды. Бұл кезде небәрі 1-минут қана өткен болатын. Одан кейін 7-минутта «Нефтехимик» сапынан Микаэль Руохомаа мергендік танытып, таразы басын теңестірді. Ал 17-минутта «Барыс» хоккейшісі Роман Старченко қайтадан өз командасын алға шығарды. Есеп 2:1.

Екінші кезеңде қонақтар тағы да есепті теңестірді. Борис Михнов 21-минутта қанжығасын майлады. Бұдан кейін мұзайдын иелері екі шайба соғып, есепті үстемелей түсті. Ойынның 32-минутында «Барыс» хоккейшісі Кертис Валк қақпадан саңылау тапса, одан кейін 34-минутта Роман Старченко есеп айырмасын екі шайбаға жеткізді. Есеп 4:2. «Барыс» алда.

Дегенмен 41-минутта «Нефтехимик» сапынан Павел Куликов шайба соқты. Есеп 4:3. Қонақтар да жеңісті қолдан беруді қаламай, таразы басын теңестіруге барынша күш салды. Олар өз дегендеріне ойынның бітуіне небәрі 30 секунд қалғанда қол жеткізді. Мұзайдын иелерінің өрескел қателігін «Нефтехимик» хоккейшісі шебер пайдаланып кетті. Есеп 4:4. Осының салдарынан ойын овертаймға ұласты. Бұл жолы қонақтар мергендік танытып, қорытынды есепті белгіледі. Есеп 4:5. Осылайша «Барыс» үшінші ойын қатарынан қарсыластарына есе жіберіп қойды. «Нефтехимик» «Барыстан» апта бұрынғы жеңілісінің есесін қайтарды.

Енді «Барыс» елордада 14 қыркүйекте Нижний Новгород қаласының «Торпедо», 16 қыркүйекте Қазанның «Ақ барысымен» кездессе, 18 қыркүйекте Омбының «Авангард» командасын қабылдайды.

Естеріңізге сала кетелік, «Барыс» құрлықтық хоккей лигасындағы алғашқы кездесуін «Нефтехимик» командасымен өткізіп, оларды 6:1 есебімен жеңіп қайтқан еді.

Одан кейін «Барыс» Ресейдің Қазан қаласында «Ақ барыстан» 3:4 есебімен жеңіліп қалды.

Ал 9 қыркүйекте Ресейдің Нижний Новгород қаласында «Торпедомен» кездесіп, олармен негізгі кезеңде 6:6 есебімен тең ойнады. Овертаймда мұзайдын иелері бір шайба соғып, жеңіс «Торпедоға» бұйырды.

 

 


Басты сөздер: Спорт, Қоғам,
Бөлісіңіз:

Автор:

Әділжан Үмбет

Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Жанат Қапалбаева
Жанат Қапалбаева
954-059
Мұрағат