+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

ҚХЛ: «Барыс» турнир кестесінде алтыншы орынға көтерілді

2019 жылғы 27 қыркүйек 22:21
Бөлісіңіз:
ҚХЛ: «Барыс» турнир кестесінде алтыншы орынға көтерілді

НҰР-СҰЛТАН. ҚазАқпарат - Бүгін елордалық «Барыс» құрлықтық хоккей лигасындағы кезекті кездесуін бүгін Челябіде жергілікті «Трактор» командасына қарсы өткізеді, деп хабарлайды ҚазАқпарат тілшісі.

«Барыс» соңғы ойындарды сәтті өткізіп келеді. Бұдан бұрын қатарынан үш мәрте жеңіске жетті. Елордалық клуб 25 қыркүйекте Ресейдің «Металлург» (Магнитогорск) командасын тізе бүктірген еді.

Бүгінгі кездесуде айдын иелері алғаш болып есеп ашқан еді. Олардың қатарынан алдымен 9-минутта Ессе Виртанен мергендік танытты. Арада екі минут өткенде «Барыс» хоккейшілері таразы басын теңестірді. Бұл сәтте Даррен Диц өз шеберлігін көрсетті. Елордалық клуб 51-минутта тағы бір шайба соқты. Ол Корбан Найттың еншісіне жазылды. Кездесуде елордалық клуб 2:1 есебімен басым түсті.

«Трактор» 20 қыркүйекте Алматыда «Барыстан» 0:2 есебімен жеңіліп қалған еді.

«Барыс» осылайша қатарынан төртінші мәрте жеңіске жетіп отыр. Нәтижесінде турнир кестесінде 6-орынға көтерілді. Сондай-ақ, шығыс конференциясында екінші орын алса, Чернышев дивизионында көш басына шықты.

Елордалық клуб енді үш ойынды өз алаңында өткізеді. Алдымен 30 қыркүйекте Қытайдың «Куньлунь Ред Стар» командасымен кездессе, одан кейін 3 қазанда Нижний Новгородтың «Торпедо», 6 қазанда Череповецтің «Северсталь» клубымен шеберлік байқасады.

Біздің каналымызға жазылыңыз:

Бөлісіңіз:

Автор:

Әділжан Үмбет

Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Канат Токабаев
Канат Токабаев
954-059

MURAǴAT