Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

ҚХЛ: «Барыс» «Трактордан» басым түсті

2018 жылғы 6 желтоқсан 22:00 42
Бөлісіңіз:
ҚХЛ: «Барыс» «Трактордан» басым түсті

АСТАНА. ҚазАқпарат - Елордалық «Барыс» бүгін құрлықтық хоккей лигасындағы кезекті кездесуін Челябінің «Трактор» командасына қарсы өткізді, деп хабарлайды ҚазАқпарат тілшісі.

Ұқсас жаңалықтар
Хоккейден әлем чемпионатында овертайм форматы өзгереді Хоккей: «Барыс» Найджел Доустың командасына есе жіберді

Екі команда биыл екі мәрте кездесіп үлгерді. Алдымен 18 қазанда «Барыс» Челябіде «Тракторды» овертаймда 5:4 есебімен тізе бүктірген еді.

Одан кейін 1 қарашада «Трактор» елордада есе қайтарып, біздің команданы овертаймда 4:3 есебімен жеңіп кетті.

Бүгінгі ойын қос команданың үшінші мәрте кездесуі.

«Трактор» жалпы турнир кестесінде 33 ұпаймен 16-орында келеді. Ал «Барыс» 46 ұпаймен 9-орында тұр. Айта кетерлігі, «Трактор» соңғы үш кездесуде жеңілістің ащы дәмін татқан жоқ. Елордалық клуб соңғы кезде ала-құла ойынымен жанкүйерлерді қуанта алмай жүргені белгілі.

Бүгінгі кездесудің бірінші кезеңінде екі шайба соғылды. Есепті алдымен «Трактор» командасын ашты. Челябілік клуб сапынан Александр Рыбаков 7-минутта біздің қақпадан саңылау тапты. Осылайша өз командасын алға шығарды. Ал 14-минутта «Барыс» хоккейшісі Валерий Орехов таразы басын теңестірді.

Екінші кезең тартысқа толы болды. Екі командада да есепті ұлғайтатын сәттер кездескен еді. Дегенмен хоккейшілер ол мүмкіндіктерді өз пайдасына жарата алған жоқ.

Үшінші кезеңде «Барыс» шабуыл шебін күшейтті. Алдымен 2 мәрте «Трактор» сапынан Егор Дугин мен Дмитрий Алексеев айдын үстіндегі дөрекі қимылдарына байланысты екі минуттық айыппен жазаланды. Бұл мүмкіндікті біздің жігіттер өздерінің пайдасына жарата алған жоқ. Ал 51-минутта Александр Рыбаков айдыннан қуылды. Бұл жолы «Барыс» сапынан Валерий Орехов тағы да мергендік танытып, өз командасын алға шығарды. Соңғы минутта «Трактор» қақпашыны ойыншыға алмастырды. «Барыс» сапынан Павел Акользин бос қақпаны дәл көздеді. Осылайша «Барыс» «Тракторды» 3:1 есебімен жеңді.

Бұған дейін «Барыс» өз айдынындағы екі кездесуде 1 желтоқсан күні Екатеринбургтің «Автомобилистіне» 2:7 есебімен есе жіберсе,

3 желтоқсанда Магнитогорскінің «Металлургін» 3:2 есебімен жеңді.

Енді «Барыс» сыртта үш ойын өткізеді. 8 желтоқсанда Владивостоктың «Адмирал», 10 желтоқсанда Хабаровскіде «Амур», 12 желтоқсанда Қытайда «Куньлунь Ред Стар» командаларымен кездеседі. Ал 18 желтоқсанда елорадада Череповецтің «Северсталь» командасын қабылдайды.

 

 

 

Біздің каналымызға жазылыңыз:

Басты сөздер: Спорт, Қоғам,
Бөлісіңіз:

Автор:

Әділжан Үмбет

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Жанат Қапалбаева
Жанат Қапалбаева
954-059
MURAǴAT