ҚХЛ: «Барыс» плей-офф кезеңінің келесі сатысына шыға ала ма
Жарыс талабы бойынша кезеңнің аталмыш сатысында команданың біреуі төрт жеңіске жеткенге дейін созылады. Алғашқы кездесу 1 наурызда басталады. Сол күні елордада екі команда кездессе, 3 наурызда елордада тағы бір ойын өтеді. Ал 5 және 7 наурыз күндері матч Магнитогорск қаласында болады. Қажет болған жағдайда қосымша ойындар 9, 11, 13 наурыз күндері ойналады.
Айта кетерлігі, «Барыс» құрлық хоккей лигасына биыл 12 мәрте қатысты. Соның онында плей-офф сатысының бақ сынады. 2014, 2017, 2019 жылдарда жарыстың екінші кезеңіне шықты.
«Барыс» плей-офф кезеңіне оныншы мәрте жолдама алып отыр. Оның үшеуінде ширек финалдан өтіп, жартылай финалда бақ сынауға мүмкіндік алды. 2013/2014 жылғы кезеңде ширек финалда «Барыс» Ресейдің «Автомобилист» (Екатеринбург) кездесіп, барлық төрт ойында қарсыласынан басым түсті. Ал жартылай финалда Ресейдің «Салават Юлаев» (Уфа) клубынан жалпы ойын сериясында 2:4 есебімен жеңіліп қалды.
Ал 2017/2018 жылғы кезеңде ширек финалда Ресейдің «Трактор» (Челябинск) клубын ойын сериясында 4:2 есебімен тізе бүктірді. Жартылай финалда бүгінгі қарсыласы - «Металлург» клубына жол берді.
2018/2019 жылғы кезеңде жарыстың бірінші сатысында Ресейдің «Торпедо» (Нижний Новгород) командасын ойындар сериясында 4:3 есебімен жеңіп, одан кейін Ресейдің «Авангард» (Омбы) клубына 2:4 есебімен жол берді.
Екі команда бұған дейін плей-офф сатысында екі мәрте жолықты. 2011/2012 жылғы кезеңде шығыс конференциясында 1/4 финалда ресейлік клуб ойындар сериясында 4:3 есебімен жеңіске жетіп, жарысты жалғастыруға мүмкіндік алды. Ал 2016/2017 жылғы кезеңде екі команда шығыс конференциясында жартылай финалда жолығып, ойындар сериясында елордалық команда қарсыласына 0:4 есебімен есе жіберді.
Кездесу елорда уақытымен 17.00-де басталады. Ойын Qazsport телеарнасынан тікелей эфирде көрсетіледі.