КХДР тағы да Жапон теңізіне қарай зымыран ұшырды

АСТАНА. ҚазАқпарат - КХДР тағы да Жапон теңізіне қарай зымыран ұшырды, деп хабарлайды ТАСС Корея Республикасының қорғаныс министрлігіне сілтемемен.

Зымыран Сохэ космодромы орналасқан Пхёнан-Пукто провинциясы ауданынан ұшырылған.

Қазіргі сәтте зымыранның қандай түрі ұшырылғаны белгісіз. Оңтүстіккореялық қорғаныс мамандары оны баллистикалық зымыран болуы мүмкін деген ақпарат таратқан.