КХДР ресейлік балық аулау кемесін ұстады
«Дәл сол күні (18 шілдеде) елшілікке хабарланды, дипломаттар әуел бастан мәселені шешу үшін күш салуда. Білуімше, олар кеме экипажымен кездескен», - деді СІМ өкілі.
СІМ өкілінің ақпаратына сәйкес, кемені Корей Халық Демократиялық Республикасының шекара қызметі ұстаған. Онда экипаждың 17 мүшесі бар, екеуі – Оңтүстік Кореяның азаматтары.
Бұған дейін БАҚ-та ресейлік «Сянхайлинь-8» сейнері ұсталғаны хабарланған еді. Ол «Солтүстік-шығыс балық аулау компаниясы» ЖШҚ-ға тиесілі.
«Сянхайлинь-8» балық аулау кемесі Ресейдің туы астында жұмыс істейді. 2015 жылы шығарылған. Кеменің дедвейті 180 тоннаны құрайды, ұзындығы – 37,86 метр, ал ені – 7,6 метр. «Солтүстік-шығыс балық аулау компаниясы» Сахалинде тіркелген. Негізгі айналысатын кәсібі – балық аулау.