Қолданушы баптаулары
Қолданушы баптаулары
+7 (701) 759 90 19 Лента
USD 386.80 EUR 429.27
RUB 5.78 CNY 54.89
Jańalyqtar

ҚХА Арыс тұрғындарына 65 тонна гуманитарлық көмек жіберді

2019 жылғы 2 шілде 15:49 1323
Бөлісіңіз:
ҚХА Арыс тұрғындарына 65 тонна гуманитарлық көмек жіберді

АЛМАТЫ. ҚазАқпарат  - Қазақстан Халықтары Ассамблеясы бүгін Арыс қаласының тұрғындарына тағы 65 тонна гуманитарлық көмек жіберді, деп хабарлайды ҚазАқпарат тілшісі.

«Мейірім керуені» акциясы аясында азық-түлік, құрылыс материалдары тиелген 9 жүк көлігі  Алматыдан шығып кетті.

Жапа шеккен тұрғындарға көмек қолын ҚХА Алматы қалалық  бөлімшесінің мүшелері, Ұйғыр этномәдени орталығының мүшелері созды.

«Мұнда негізінен құрылыс материалдары. Себебі, ол жақта үйлер қайтадан қалпына келтіріліп жатыр. Басында біз азық түлік, киім-кешек жіберген болатынбыз. Мұнда тек кәсіпкерлер ғана емес, барлық халық көмектесіп жатыр. Зейнеткер апамыз 200 теңге жіберіп жатыр. Біз үшін бұл баға жетпес ақша. Біз Арыспен біргеміз», - деді ҚР Парламент Мәжілісінің депутаты, Республикалық ұйғыр этно мәдени бірлестігінің төрағасы Шаймардан Нұрымов.

ҚХА мүшелері, өзбек, түрік, ұйғыр, әзербайжан, кәріс, орыс, татар, украин сияқты ұлт өкілдері 70 млн теңге шамасында қаражат жинап берді.

Олар бірінші күні-ақ 100 тонна жүк жіберді.

Түркістан облысының қоймаларына бүгінде 510 тонна гуманитарлық көмек жинақталды. Штаб жұмыскерлері жапа шеккен тұрғындар арасында 400 тонна азық-түлік, киім-кешек таратып үлгерді.

«Түркістан» әлеуметтік даму корпоративті қорының атына қазақстандықтар 1 млрд 200 млн теңге қаражат аударды.

Арыстағы қоймаларда заттарды ұрлау-тонаудың алдын алу үшін арнайы веб камералар орнатылды.




 

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT