Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

ҚХА Арыс тұрғындарына 51 млн теңгенің көмегін көрсетті

2019 жылғы 27 маусым 17:10 672
Бөлісіңіз:
ҚХА Арыс тұрғындарына 51 млн теңгенің көмегін көрсетті

НҰР-СҰЛТАН. ҚазАқпарат - Қазақстан халқы Ассамблеясы Арыс тұрғындарына 51 млн теңгенің көмегін көрсетті. Бұл туралы бүгін ҚХА Төрағасының бірінші орынбасары Жансейіт Түймебаев айтты, деп хабарлайды ҚазАқпарат тілшісі. 

"Бүгінгі күн тәртібінде қоғамдағы тұрақтылық пен этносаралық келісім, әлеуметтік бірлікті нығайтуда журналистер қауымы алдында тұрған міндеттер талқыланады. Сондай-ақ Қазақстан халқы Ассамблеясының Түркістан облысы Арыс қаласындағы төтенше жағдайға байланысты көрсетіп жатқан көмегіне тоқталатын боламыз. Қазақстан халқы қиын-қыстау сәттері жұдырықтай жұмылып, елдік пен бірліктің үлгісін көрсетті", - деді  Қазақстан халқы Ассамблеясы Журналистер клубының отырысын ашқан Жансейіт Түймебаев.

Оның атап өтуінше, Қазақстан халқы Ассамблеясы 24 маусым күні жедел түрде Шымкент қаласындағы Түркістан облыстық Достық үйінде зардап шеккендер мен Арыс қаласынан көшірілгендерге көмек көрсету мақсатында штаб құрды. Барлық өңірдегі Достық үйлерінде көмек қабылдау пункттері іске қосылды.

"27 маусым, яғни бүгінгі күнге дейін Қазақстан халқы Ассамблеясы көрсеткен көмектің жалпы сомасы 51 млн 331 мың теңгені құрап отыр. Сондай-ақ ҚХА мен «Қоғамдық келісім» мемлекеттік мекемелері бір күндік жалақыларын Түркістан әлеуметтік-корпоративтік даму қорына аударды. ҚХА «Жаңғыру жолы» республикалық жастар қозғалысы «Жақсылық жаса» жобасы аясында Түркістанға көмекке аттану мақсатында волонтерлық топ құрды",- деді ол.

 

 

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT