+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Кезекші сыныптар балалардың коронавируспен ауыруына ықпал етті ме

2020 жылғы 27 қазан 19:15
Бөлісіңіз:
Кезекші сыныптар балалардың коронавируспен ауыруына ықпал етті ме

НҰР-СҰЛТАН. ҚазАқпарат – Соңғы апталарда балалар арасында коронавирус жұқтыру жағдайларының саны артты. Бұл туралы «Педиатрия және балалар хирургиясы ғылыми орталығы» АҚ басқарма төрағасы Риза Боранбаева айтып берді, деп хабарлайды ҚазАқпарат тілшісі.

Ұқсас жаңалықтар
Шетелден ұшып келген 2 адамнан коронавирус анықталды Қазақстанда 710 бала коронавирустан емделіп жатыр 474 қазақстандық коронавирустан жазылды

«Сәуір айының басынан бері 2 940 бала ауырып қалды. Бұл - 2 сәуірден басталатын мәліметтер. Ал қазіргі уақытта коронавирус инфекциясы диагнозымен 275 бала тіркелді. Оның 41-і ауруханаға жатқызылды. Қалғаны үйде емделіп жатыр. Соңғы апталарда балаларда коронавирус ауруының өсуі байқалады», - деді Риза Боранбаева «ҚазАқпарат» тілшісіне берген сұхбатында.

Оның пікірінше, ауру санының өсуін кезекші сыныптармен байланыстыруға болмайды.

«Себебі, науқас 275 баланың 182-сі – мектеп оқушысы болса, 15-і – балабақшаға барған балалар. Оның ішінде 62 бала кезекші сыныптарда оқыды, сәйкесінше 120 бала қашықтан оқыған. Яғни, кезекші сыныптарда оқитын балалар ғана емес, қашықтан оқитын балалар да ауырып жатыр. Сонымен бірге, олардың арасында мектеп жасына жетпеген балалар да бар», - деп түсіндірді дәрігер.

Сондай-ақ, дәрігер балалардың коронавирус инфекциясының ауыр формасымен ересектерге қарағанда сирек ауыратынын еске салды.

«Балалар арасындағы аурудың өз ерекшеліктері болады, көп жағдайда балалар симптомсыз немесе жеңіл түрде ауырады. Мәселен, қазір балалардың 86% симптомсыз немесе жеңіл формада ауырып жатыр. Ауыр сырқат түрлері балалардың жасында өте сирек – оған негізінен созылмалы патологиясы бар балалар ғана шалдығады», - деп қорытындылады Риза Боранбаева.

Айта кетейік, өткен тәулікте коронавирус инфекциясы белгілері бар пневмонияның 10 жағдайы және 1 өлім жағдайы тіркелді. Оған қоса 17 адам емделіп шықты.

1 тамыздан бергі статистика: ауырғандар - 36 931, 395 өлім жағдайы тіркелді, ал жазылып шыққандардың саны 28 548 жетті.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT