Kenzo сән үйінің негізін қалаған дизайнер коронавирустан қайтыс болды

ПАРИЖ. ҚазАқпарат – Kenzo сән үйінің негізін қалаған жапониялық дизайнер Кендзо Такада коронавирустан қайтыс болды. Бұл туралы модельердің ресми өкілі мәлім етті, деп хабарлайды ҚазАқпарат Euronews-ке сілтеме жасап.

К.Такада 81 жаста болған.

Ол Францияда ауруханада көз жұмды. Бұл елге 1965 жылы Жапониядан көшіп барған. 1970 жылы оның әйелдерге арналған алғашқы киім үлгілері Парижде үлкен қызығушылық тудырды. Кендзоның көрмесіне қатысқан модельдердің бірін ELLE журналы өз мұқабасына орналастырды. Бірінші сәтті көрсетілімнен кейін Кендзоның сән әлеміндегі мансабы бірден арта бастады.