+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Кентауда IT жобалар байқауының жеңімпаздары белгілі болды

2020 жылғы 3 наурыз 03:00
Бөлісіңіз:
Кентауда IT жобалар байқауының жеңімпаздары белгілі болды

КЕНТАУ. ҚазАқпарат - Түркістан облысында өткен «Hakaton Yassawi SmartTech» IT жобалар байқауы өз мәресіне жетті. Жарысқа еліміздегі 15 жоғары оқу орнынан 100-ге жуық үміткер қатысқан, деп хабарлайды ҚазАқпарат өңірлік коммуникациялар қызметіне сілтеме жасап.

Қ.А.Ясауи атындағы ХҚТУ Кентау институтында 2 кезең бойынша сайыстың бас жүлдесіне С.Торайғыров атындағы Павлодар мемлекеттік университеті ие болды.

Еліміздің барлық өңірінен келген студенттердің басын қосқан сайыста Кентау институтының директоры Үсен Рахметұлы қатысушы студенттерді сертификаттармен марапаттады.

«Құрметті қатысушылар, сіздердің еңбектеріңізді бағалаған әділқазы алқалары шешімдерін қабылдады. Incraft компаниясынан келген төрешілер дарынды жастардың білім дәрежесін байқады. IT технология арқылы жаңа бағдарламалардың бірегей жолдарын әзірлеп, жүзден жүйрік атанған жастарды құттықтаймын. Биік белестерді бағындыра беріңіздер», - деді ол.

Екі күнге созылған жарыс Түркістан қаласында басталып, Кентауда түйінделді. Байқауды қорытындылау кешінде Алматы қаласындағы «Incraft» компаниясынан келген мамандар 6 ай тегін тағылымдамадан өту мүмкіндігіне лайықты деп С.Торайғыров атындағы Павлодар мемлекеттік университет командасын таңдады.

Сайысқа қатысушы өзге де командалар бағалы сыйлықтармен марапатталды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT