ФУТБОЛДАН ӘЛЕМ ЧЕМПИОНАТЫ-2022

Кентауда ауыл тұрғыны ауласында түйеқұс өсіріп отыр

2020 жылғы 26 қазан, 22:30
Кентауда ауыл тұрғыны ауласында түйеқұс өсіріп отыр

КЕНТАУ. ҚазАқпарат - Кентау қаласы Иассы ауылының тұрғыны Нәліпан Мырзақұлов өз ауласында түйеқұс өсіріп отыр, деп хабарлайды ҚазАқпарат өңірлік коммуникациялар қызметіне сілтеме жасап.

Бүгінгі таңда құстың саны балапандарымен қосқанда 19-ға жеткен. Шаруа құстың тұқымын көбейтіп, оны кәсіп көзіне айналдырып отыр. Ауласына арнайы қоршау жасатып, сол жерде бағады.

«Бұл - өте пайдалы құс. Еті деликатес. Қауырсыны да емге дауа. Жұмыртқасы бағалы, көрінісі де әсем» - дейді шаруа Нәліпан Мырзақұлов.

Аталмыш түйеқұс - австралиялық тұқым. Олардың жұмыртқасы ерекше қара түсті болады. Ал, африкалық түйеқұстың жұмыртқасы ақ болып келеді.

Бұл құсты қолға үйрету аса қиын шаруа емес. Тез жерсінеді. Шөл жерлерде де төзімді. Жемшөбі уақытылы беріліп отырса, пайдасы – көл-көсір.

Жұмыртқасының 1 данасы - 5-10 мың теңге шамасында. Етінде холестерин жоқ. Жүрек ауруына пайдалы.

Бұл құс 40-50 жылдан астам өмір сүреді. Шаруасын дөңгелетіп отырған кәсіпкер алдағы уақытта құстың басын көбейтуді жоспарлап отыр.


Ұқсас жаңалықтар
Серіктестер жаңалықтары

Jańalyqtar

https://www.inform.kz/kz/kentauda-auyl-turgyny-aulasynda-tuyekus-osirip-otyr_a3710977
https://www.inform.kz/kz/kentauda-auyl-turgyny-aulasynda-tuyekus-osirip-otyr_a3710977