Келесі жолы өзімен бірге К-pop әртістерін алып келемін - Ким Чжон Сук
Ким Чжон Сукқа алдымен университетте құрылған К-pop клубына мүше жастар өз өнерін көрсетті. Клуб жетекшісі Айым Дауылбекованың айтуынша, биыл клубтың құрылғанына бес жыл толып отыр. Осыған орай, концерт те ұйымдастырылған болатын. Ал Кореяның мәдени орталығы қолдау жасап отырады.
«Бүгінде біздің клубымызға 45 адам кіреді. Барлығы - Назарбаев университетінің студенттері. Магистранттар да бар. Аптасына төрт рет жаттығып отырамыз. Алайда концерттердің алдында күнде дайындаламыз. Ресми атауымыз - «NU Kpop cover dance club». Ал топтың атауы - «Yeoboseyo». Осы атпен сан алуан байқауларға қатысамыз. Бұған дейін тек университет аясында ғана өнер көрсеттік. Ал былтыр Чанвон фестиваліне қатыстық. Биыл да шақырып жатыр»- деді А.Дауылбекова ҚазАқпарат тілшісіне берген сұxбатында.
Кореяның бірінші xанымына «Yeoboseyo» тобының өнері ұнап қалды. Тіпті, өзімен бірге танымал К-pop әртістерін алып келмегеніне де өкініп қалды. «Сіздермен танысқаныма өте қуаныштымын. К-pop өнерін ұнататындарыңыз биден көрініп тұр. Сол үшін алғысымды айтамын. Өзімен бірге Кореяның танымал К-pop бишілерін алып келу керек еді. Өкінішке қарай, шықпай қалды. Сол үшін кешірім сұраймын. Келесі жолы міндетті түрде алып келуге тырысамын», - деп атап көрсетті Ким Чжон Сук.
Бұдан бөлек, Кореяның бірінші xанымы Назарбаев университетінің кітапxанасында ашылған корей кітаптарының бұрышымен танысып, университетте жұмыс істейтін осы елдің оқытушыларымен әңгімелесті.
