Кеденшілер Еуразиялық экономикалық одаққа 300 кг гашиштің кіруіне жол бермеді

АСТАНА. ҚазАқпарат - Гродненск кеденшілері Еуразиялық экономикалық одаққа 372 гашиш брикетінің кіргізілуіне жол бермеді, деп хабарлайды БЕЛТА Гродненск өңірлік кеденіне сілтеме жасап.

Беларусь кеденшілері биылғы жылы осымен үшінші рет ірі есірткі партиясының жолын кесіп отыр.

Польшадан шыққан Lexus жеңіл автокөлігінің 56 жастағы жүргізушісі «Брузги» шекаралық өткізу пунктінен өтпек болған.

Тексерістер барысында есірткі зат салынған 372 арнайы брикет табылды. Оларды алу үшін автомашинаны толығымен демонтаж жасауға тура келді.

Жүргізушіге, Ресей Федерациясының азаматына қатысты Беларусь Республикасы Қылмыстық кодексінің 328-бабы, 1-бөлігіне сәйкес қылмыстық іс қозғалды. Есірткі заттарды шекарадан заңсыз алып өтпек болғаны үшін оған 10 жылға бас бостандығынан айыру жазасы берілуі мүмкін.