ҚДКБҚ теңгелік депозиттер бойынша ең жоғары сыйақы мөлшерлемесін бекітті

АЛМАТЫ. ҚазАқпарат – Қазақстандық депозиттерге кепілдік беру қоры 2020 жылдың ақпан айына теңгелік депозиттер бойынша ең жоғары ұсынылатын сыйақы мөлшерлемесін бекітті. Бұл туралы ҚазАқпарат Қордың (ҚДКБҚ) баспасөз қызметіне сілтеме жасап хабарлайды.

Қаңтар айындағы мөлшерлемелермен салыстырғанда нарықтағы мөлшерлемелер соңынан 12 айлық мерзімді депозиттер бойынша өзгерістер орын тауып, толықтыру құқығымен және онсыз – 0,4 пайыздық тармаққа төмендеді.

Естеріңізге сала кетейік, 2019 жылдың қыркүйегінен бастап теңгемен мерзімді және жинақ салымдары бойынша ең жоғары ұсынылатын сыйақы мөлшерлемелері нарықтық трендтердің негізінде есептеледі – мөлшерлемелердің төмендеуін немесе өсуін банк секторы қалыптастырады.

Ұлттық валютадағы қалған депозиттер бойынша ең жоғары ұсынылатын сыйақы ставкалары бұрынғы деңгейін сақтап қалуда.

Депозиттің санаты	Толықтырылатын депозиттер бойынша, %	Толықтырылмайтын депозиттер бойынша, %
Қаңтар 2019	Ақпан 2020	Қаңтар 2019	Ақпан 2020
Мерзімсіз депозиттер	9,8	9,8	9,8	9,8
Мерзімді депозиттер
3 айға	10,3	10,3	10,3	10,3
6 айға	10,3	10,3	10,3	10,3
12 айға	11,1	10,7▼	11,6	11,2▼
24 айға	10,8	10,8	11,9	11,9
Жинақ депозиттер
3 айға	12,7	12,7	12,7	12,7
6 айға	13,4	13,4	13,4	13,4
12 айға	13,0	13,0	14,1	14,1
24 айға	12,6	12,6	14,5	14,5