+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Қазығұртта ағайынды екі жігіт жергілікті тұрғынды ұрып-соғып, полицейлерге қарсылық көрсеткен

2020 жылғы 30 қыркүйек 00:15
Бөлісіңіз:
Қазығұртта ағайынды екі жігіт жергілікті тұрғынды ұрып-соғып, полицейлерге қарсылық көрсеткен

ҚАЗЫҒҰРТ. ҚазАқпарат - Түркістан облысында ағайынды екі жігіт жергілікті тұрғынды ұрып-соғып, ұялы телефонын тартып алған. Оқиға орнына жеткен полицейлерге қарсылық көрсеткен, деп хабарлайды ҚазАқпарат тілшісі.

Облыстық ПД баспасөз қызметінің мәліметінше, келеңсіз жағдай Қазығұрт ауданында болған. Жергілікті тұрғын көше бойында кетіп бара жатқанда белгісіз біреулер тиіскен. Олар өзара дауласып, сөзге келіп қалған.

Содан күдіктінің бірі жәбірленушіге бір-екі соққы беріп, ол полицейлерді шақыртқан. Оқиға орнына жедел жеткен учаскелік полицейлер күдіктілердің жеке-басын анықтап, мекен-жайлары арқылы тапқан.

Бұзақылық жасаған ағайындылар тәртіп сақшыларына түрлі балағат сөздерді айтып, заңды талаптарға бағынғысы келмеген. Өздерінің дөрекі мінезін көрсетуін жалғастырып, тіпті учаскелік полиция қызметкерінің біріне күш қолданған. Оны ұрып-соққаны анықталды.

«Күдікті ағасы мен інісіне ҚР ҚК 380-бабы - «Билік өкіліне қатысты күш қолдану» және 378-бабы - «Билік өкілін қорлау» бойынша қылмыстық іс қозғалды. Екеуі де қамауға алынып, бүгінде соттың қаулысымен кепілмен босатылған. Қазіргі таңда тергеу амалдары жүргізілуде» делінген хабарламада.


Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT