+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

ҚазҰУ студенттері мен еріктілер жапырақтан Әл-Фарабидің портретін жасады

2020 жылғы 31 қазан 18:52
Бөлісіңіз:
ҚазҰУ студенттері мен еріктілер жапырақтан Әл-Фарабидің портретін жасады

НҰР-СҰЛТАН. ҚазАпарат - ҚазҰУ студенттері мен Алматы қаласының еріктілері Ұлы ойшыл Әбу Насыр Әл-Фарабидің портретін «бейнеледі», ол үшін «күздік бояулар» – жапырақтар пайдаланылды, деп хабарлайды ҚазАқпарат.

Ұқсас жаңалықтар
Минскте әл-Фараби атындағы қазақ сыныбы ашылды Қарағанды облысында еріктілер қызметін дамыту үшін грантқа өтінім қабылдау басталды

Еліміздің жетекші университеті әл-Фараби атындағы ҚазҰУ-дың стадионында ерекше туынды – Әл-Фарабидің бейнесі пайда болды. Бұл кездейсоқтық емес. Университет әлемде адамзаттың Екінші ұстазы аталатын ұлы философ әрі ғалымның есімімен аталады. Биыл ЮНЕСКО қарамағында Әл-Фарабидің 1150 жылдығы халықаралық деңгейде аталып өтуде. Жастар бұл көркем туындыны мерейтойлық жылға арнады.

ҚазҰУ шығармашылық топқа күрделі көркемдік шараны ұйымдастыруға қолғабыс етті. Идеяны жүзеге асыру үшін таңнан кешке дейін екі күндік дайындық жұмыстары жүргізіліп, Алматы саябақтарынан жиналған бірнеше жүк көлігі толы жапырақтар пайдаланылды.

ҚазҰУ стадионына биіктігі 76 метр және ені 66 метрді құрайтын Әл-Фарабидің орасан зор қолдан жасалған ғажайып портреті салынды.

Ерекше шығармашылық флэш-мобтың қатысушыларының пікірінше, бұл ұлы ойшылдың әлемдегі ең үлкен бейнесі. Ал, оны жасауға Әл-Фарабидің қазақ жерінде дүниеге келуі және ортағасырлық еуропалық Ренессансқа бастау берген ғұламаның бай шығармашылық мұрасы еріктілерге шабыт берді.

Әл-Фарабидің портретін жапырақтармен бейнелеген – жас суретші Джохар Юнусов, белгілі тұлғалардың, тарихи қайраткерлердің бейнелерін әртүрлі материалдардан жасайды. Оған қаланың әр түрлі университеттерінен келген ниеттестер азаматтар көмектеседі. Жақында ғана талантты жас жігіт үлкен автотұрақта Абайдың портретін сумен «бейнелеп», бұл туындысын қазақтың ұлы ақыны мен ағартушысының 175 жылдығына арнады.

Ұшар биіктен Әл-Фарабидің портреті тек өзінің көлемімен таңқалдырып қана қоймай, сонымен бірге ойшылдың көзқарасынан бейне бір өздерінің отандасын жадында сақтап, оның қайырымдылық, бірлік және өзара көмек көрсету туралы баға жетпес идеяларын қолданып келе жатқан өз туған жеріндегі отандастарына деген ризашылықты аңғаруға болады.


Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT