+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ҚазҰУ - ИСЕСКО: COVID-19-ға қарсы бірлескен күрес

2020 жылғы 15 шілде 14:55
Бөлісіңіз:
ҚазҰУ - ИСЕСКО: COVID-19-ға қарсы бірлескен күрес

НҰР-СҰЛТАН. ҚазАқпарат - Әл-Фараби атындағы ҚазҰУ - БҰҰ-ның Тұрақты даму бойынша «Академиялық ықпал» бағдарламасының жаһандық хабы, коронавируспен күресу жөніндегі жобаны жүзеге асыру үшін Білім, ғылым және мәдениет жөніндегі дүниежүзілік ,ислам ұйымының (ISESCO) грантына ие болды.

Ұқсас жаңалықтар
Ресейде бір аптада 40 мыңнан аса адам коронавирус жұқтырды Бейжіңде тікелей халықаралық рейстер тоқтатылуы мүмкін Қазақстанның 10 облысында суицидтің алдын алу бойынша әдістемелер енгізілуде

ИСЕСКО пандемия басталғанда ұйымға мүше елдердің университеттері арасында COVID-19-бен күресуге бағытталған халықаралық ғылыми және технологиялық жобалардың байқауын өткізді.

ҚазҰУ жобасы үздік жобалардың бірі ретінде танылып, қаржыландыру үшін таңдалды. Ол әмбебап антисептиктер мен дезинфекциялық құралдардың жаңа түрін шығаруға бағытталған. Жақында іске қосылуы жоспарланған өндірісті жабдықтауға арналған құралдардың бір бөлігі ИСЕСКО бөліп отырған қаржы ресурстарына сатып алынады.

ҚазҰУ-дың химиктері жасаған натрий гипохлоритіне негізделген антисептиктер электрохимиялық әдіспен шығарылып, медициналық, коммуналдық және тұрмыстық салаларда кең қолданыс табады. Дезинфекциялық құралдардың сөзсіз артықшылығы – бұл олардың шетелдік аналогтардан әлдеқайда төмен құны, өйткені өндірісте қазақстандық шикізат қолданылады. Өндірісте, сонымен қатар, ҚазҰУ ғалымдарының патенттелген әзірлемелері, оның ішінде өзіндік құнды едәуір төмендететін тұрақты оксид-рутений титан анодтары пайдаланылады.

Жоба нәтижесінде алынған дезинфекциялық құрал университет ғимараттарын өңдеуге қолданылып, студенттер мен қызметкерлерге, сонымен қатар, өзге де мұқтаж әлеуметтік топтарға таратылады.

Штаб-пәтері Рабатта (Марокко) орналасқан ИСЕСКО – Ислам ынтымақтастық ұйымының құрылымы. Оның қызметі білім, ғылым, мәдениет және жаңа технологияларды дамытуға, сондай-ақ, осы бағытта ИЫҰ елдері арасындағы ынтымақтастықтың аясын кеңейтуге бағытталған.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT