Қолданушы баптаулары
Қолданушы баптаулары
+7 (701) 759 90 19 Лента
USD 378.87 EUR 422.40
RUB 5.87 CNY 54.85
Jańalyqtar

ҚазҰУ-да Ислам қаржы орталығы ашылды

2019 жылғы 16 мамыр 16:10 344
Бөлісіңіз:
ҚазҰУ-да  Ислам қаржы орталығы ашылды

 АЛМАТЫ. ҚазАқпарат - ҚазҰУ-де посткеңестік кеңістіктегі алғашқы ислам қаржы орталығы ашылды, деп хабарлайды ҚазАқпарат.     

Ұқсас жаңалықтар
СҚО-да кәсіпкерлер 200-дей балаға демалыс лагерьлеріне жолдама алып берді Ақмола облысында ағылшын тілінің мұғалімі үздік педагог атанды

Жоба әл-Фараби атындағы ҚазҰУ-дың  Астана халықаралық қаржы орталығы (АХҚО) және Катардағы Хамад Бин Халиф университетімен әріптестігі негізінде жүзеге асты.

Ашылу салтанатында ҚазҰУ ректоры Ғалымқайыр Мұтанов, Хамад Бин Халиф университетінің президенті доктор Ахмад Хасна, АХҚО төрағасының орынбасары Ернұр Рысмағамбетов, қаржы институттарының өкілдері, оқытушылар және студенттер қатысты.

Ең жаңа техникамен және заманауи бағдарламалармен қамтылған бірегей орталық биржалық трейдинг дағдыларын, іргелі және техникалық талдау негіздерін, қаржылық инженерияны оқытумен айналысады. Сондай-ақ ақша қаражатын қалаған нарықтық сегментке тәжірибе жүзінде инвестициялау және ірі биржалармен ынтымақтастық орнату мүмкіндіктері беріледі. Орталық ислам қаржысы бойынша ғылыми-білім беру кластеріне айналады.

Іс-шара барысында «Қазақстанда исламдық қаржыландыру мүмкіндіктерін ашамыз» тақырыбында дөңгелек үстел ұйымдастырылды. Сөз алған ҚазҰУ ректоры жоғары білікті кадрларды даярлау инновациялық экономиканың өсуінің негізгі факторларының бірі екендігін атады және Астана экономикалық форумы аясында ресми бекітілетін үшжақты әріптестік сәтті және жемісті ынтымақтастықтың іргетасын қалайтындығын жеткізді.

«Қазақстанның жетекші білім ордасымен әріптестік орнату біз үшін үлкен құрмет. Орталықтың ашылуының Рамазан айымен тұспа-тұс келуі терең мәнге ие деп қабылдаймын. ҚазҰУ - исламдық қаржыландыруды алға жылжытудағы біздің үздік серіктесіміз. Біздің ортақ мақсат - сәттілік пен өркендеуге негіз болатын қарым-қатынасты дамыту. Алғашқы түлектерімізді құттықтайтын сәтті асыға күтемін», - деді доктор Ахмад Хасна өзінің алғы сөзінде.

ҚазҰУ-да  Ислам қаржы орталығы ашылды 

Ернұр Рысмағамбетовтің сөзінше, АХҚО болашақ мамандарды дайындап жатыр және дамудың негізгі шешуші факторы адами капитал болатын осы жерде қаржы орталықтарының әлемдік озық тәжірибелері ауадай қажет. Сонымен бірге ол исламдық қаржыландыру бойынша жоғары білікті мамандарды дайындауда ҚазҰУ рөлінің зор екендігін атап өтті. 

Білім ордасы ислам қаржысы бойынша ұлттық деңгейде де, халықаралық ауқымда да білімді мультипликациялауды мақсат етіп отыр.

Университет базасында теориялық және тәжірибелік тұрғыдан исламдық қаржыландыру бойынша сауаттылықты арттыру исламдық банк секторын жандандыруға, сонымен қатар ислам құнды қағаздары биржалық трейдингі субъектілерінің санын артыруға ықпал етеді.

Бизнесті ұзақ мерзімді несиелермен қамтамасыз ету, қор нарығын дамыту және шетелдік инвесторларды тарту, азаматтардың қаржылық сауаттылы үшін шараларды жетілдіру Қазақстанның қаржы секторын одан әрі серпінді дамытудың негізгі бағыттары болып табылады. Осы кезде ислам қаржысының инвестициялық ресурстары сенімді және перспективалы құрал бола алады.


ҚазҰУ-да  Ислам қаржы орталығы ашылды 

 

 

Біздің каналымызға жазылыңыз:

Бөлісіңіз:
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT