Қазір қай өңірдегі жолдар жабық

НҰР-СҰЛТАН. ҚазАқпарат - Ауа райының қолайсыздығына байланысты бірқатар республикалық маңызы бар жол жабылды, деп хабарлайды ҚазАқпарат «ҚазАвтоЖол» баспасөз қызметіне сілтеме жасап.

Шығыс Қазақстан облысындағы «Үшарал-Достық» жолының 83-184 шақырымында, Көктума-Достық ауылдарының арасында көлік қозғалысына уақытша шектеу қойылды.
Сонымен қатар Солтүстік Қазақстан облысының «Тимирязево-Қостанай облысының шекарасы» жолының 0-32 шақырымы Тимирязево ауылы мен Қостанай облысының шекарасы аралығы барлық көлік түрлері үшін жабық.

«ҚазАвтоЖол» компаниясының мәліметінше, қазіргі таңда республикалық маңызы бар автожолдарда 599 арнайы техника жұмыс істеуде.

Жолшылар жүргізушілерге жол ережесін сақтауды, рұқсат етілген жылдамдықты асырмауды, қауіпсіз қашықтықты сақтау қажеттілігін ескертеді.