+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Қазір білуге қажет жаңа ақпараттың көлемі жылына 30 пайызға өсіп отырады - Тасмағамбетов

2016 жылғы 1 желтоқсан 16:29
Бөлісіңіз:
Қазір білуге қажет жаңа ақпараттың көлемі жылына 30 пайызға өсіп отырады - Тасмағамбетов

АСТАНА. ҚазАқпарат - Қазір білуге қажет жаңа ақпараттың көлемі жылына 30 пайызға өсіп отырады. Бұл туралы бүгін Республикалық жастар форумы аясында жастармен кездескен ҚР Премьер-Министрінің орынбасары Иманғали Тасмағамбетов айтты, деп хабарлайды ҚазАқпарат.

Үкімет басшысының орынбасары жастарға табысқа жету үшін талапты болу аз, білімді болу керектігін баса айтты.

«Бүгінгі ілім-білім бұл кешегі оқудан әлдеқайда бөлек дүние. Бір мектеп, бір университеттің шеңберінде емес, ағымы қатты ақпаратты заманның әр күнінде қажет ұлы құдірет. Мысалы, қазір білуге қажет жаңа ақпараттың көлемі жылына 30 пайызға өсіп отырады. Яғни, сіз университетті бітіремін дегенше, ақпараттық кеңістік толығымен жаңаланып кетеді. Нәтижесінде технология саласындағы күн сайын емес, сағат сайын болатын өзгерістерден бір сәт кеш қалу - ізбе-із өкшелеп келе жатқан бәсекелестікке орын беріп, артқа шегіну деген сөз», - деді Тасмағамбетов.

Осы ретте вице-премьер білім-ғылым саласы мемлекет назарынан еш уақытта тыс қалмағанын атап өтті. Оның дәлелі ретінде елордадағы «Назарбаев» Университетін атап, білім ордасын ең маңызды ұлттық жобалардың бірі екендігін айтты.

«Қазірдің өзінде оның оқу ісін ұйымдастыруға әлемнің ең үздік университеттері ат салысып, халықаралық талапқа сай жаңа білім жүйесін қалыптастырып отыр. Болашақта еліміздің барлық жоғары оқу орындары осы озық жүйеге өтетін болады», - деді Премьер-Министрдің орынбасары.

Біздің каналымызға жазылыңыз:

Басты сөздер: ҚР Үкіметі, Білім, Қоғам,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT