Қажет болса ауыл шаруашылығы өнімдерін сыртқа сатуға шектеу қою керек – Премьер-Министр
2022 жылғы 18 қаңтар 10:51

Қажет болса ауыл шаруашылығы өнімдерін сыртқа сатуға шектеу қою керек – Премьер-Министр

НҰР-СҰЛТАН. ҚазАқпарат – Қажет болса ауыл шаруашылығы өнімдерін сыртқа сатуға шектеу қою керек. Бұл туралы ҚР Премьер-Министрі Әлихан Смайылов айтты, деп хабарлайды ҚазАқпарат тілшісі.

«Ауыл шаруашылығы министрлігіне ауыл шаруашылығы өнімдерін өндіру мен тұтыну көлемін есептеп, қажет болған жағдайда сыртқа сату бойынша шектеу қоюды тапсырамын. Бірінші кезекте ішкі нарықты қамтамасыз етуіміз керек», - деді Премьер-Министр.

Сонымен қатар ол мұнай өнімдерін жеткізу тізбегін қысқартып, баға белгілеу практикасын талдау қажеттігін баса айтты.

«Энергетика министрлігіне бір ай ішінде мұнай өнімдерін өндіру және сату құрылымын реформалау бойынша заңнамалық түзетулер дайындауды тапсырамын», - деді Әлихан Смайылов.


Jańalyqtar

MURAǴAT