+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Қазгидромет танымал туристік аймақтарға үш метеорологиялық станса орнатты

2021 жылғы 27 қазан 10:44
Бөлісіңіз:
Қазгидромет танымал туристік аймақтарға үш метеорологиялық станса орнатты

НҰР-СҰЛТАН. ҚазАқпарат - Қазгидромет Қазақстанның туристік аймақтарына үш автоматты метеорологиялық станса орнатты, деп хабарлайды ҚазАқпарат.

Ұқсас жаңалықтар
6 облыс аумағында ауа райына байланысты ескерту жарияланды Көктайғақ, жел, жауын - жұмаға арналған ауа райы болжамы 7 облыс аумағында ауа райына байланысты ескерту жарияланды

«Қазгидромет» танымал туристік бағыттарды метеорологиялық мониторингімен қамтуды қолға алды.

«Пандемия кезінде қазақстандықтарды еліміздің әсем табиғатымен таныстыратын туристік фирмалар мен жекелеген белсенділердің саны күрт өсті. Елімізде белсенді туризмнің дамуы гидрометеорологиялық қамтамасыз етуге деген сұранысты арттыруда. Болжамдардың дәлдігі, жауын-шашын мен дауылды уақтылы хабарлау ішкі туризмнің бірқатар саласының кірістерін қалыптастырады», делінген хабарламада.

Қазақстанның туристік аймақтарына үш автоматты метеорологиялық станса орнатты. Олар - Шарын шатқалы (Шарын АМС), Көлсай көлі (Көлсай АМС) және Түрген шатқалы (Түрген АМС).

«Бұрын бұл аймақтар Қазгидромет мониторингісінің жерүсті желісімен қамтылмаған болатын, дегенмен АМС елді мекендердің жанында да, шөлді, таулы және орманды аудандардағы үлкен қалалардан қашық жерлерде де орналасқан. Қорықтар ішінде орналасқан осы үш аймақты таңдауға өз бетімен саяхаттаушылар мен туристік фирмалар үшін нақты ауа-райы болжамының қажеттілігі себеп болды», делінген хабарламада.

«Қазгидромет» РМК-нің бір-үш тәулікке беретін жауын-шашын, жел, ауа температурасы бойынша болжамдарының дұрыстығы 92%-ға дейін жетеді.

Адамдар көп жиналатын танымал туристік маршруттар аймағына AМС-ты орналастыру келушілерге қолайсыз метеорологиялық жағдай, ауа-райының күрт өзгеруі және дауыл туралы ескерту қажеттілігінен туындап отыр. Қазгидромет алдағы уақытта басқа да танымал туристік бағыттарды мониторингімен қамту көздеп отыр.

Еске сала кетсек, 29 мамырда Алматы облысының Шарын шатқалында сел жүріп, 2 турист қаза тапты. Тағы 6 адам зардап шеккен еді.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT