19:44, 16 Шілде 2018 | GMT +6
«Қазгидромет» тағы екі облыста ескерту жариялады
АСТАНА. ҚазАқпарат - Қазақстанның тағы екі облысында ауа райына байланысты ескерту жарияланды, деп хабарлайды ҚазАқпарат «Қазгидромет» РМК-ға сілтеме жасап.
17 шілде күні Атырау облысында кей жерлерде күн күркіреп, шаңды дауыл көтеріледі, 15-20 метр жылдамдықпен жел соғады. Күндіз кей жерлерде 38 градус ыстық сақталады.
17-18 шілде күндері Батыс Қазақстан облысының кей аумақтарында найзағай жарқылдап, желдің екпіні 15-20 м/с-қа дейін жетеді. Күндіз кей жерлерде кенеттен катты дауыл тұрып, бұршақ жаууы ықтимал.
Орал қаласында 17 шілдеде найзағай ойнап, желдің екпіні 18 м/с-қа дейін жетеді, күндіз қатты дауыл соғып, бұршақ жаууы мүмкін.
Бұған дейін Қазақстанның өзге үш облысында ауа райына байланысты ескерту жарияланғанын хабарлаған болатынбыз.