Қазгидромет: республиканың басым аймақтарында бұрқасын, тұман, көктайғақ болып, жел күшейеді
Бұл туралы Қазгидромет хабарлайды.
Алматы облысының кей аудандарында желдің жылдамдығы 20-25 м/с, күндіз жел екпіні 28 м/с дейін күшейеді, түнде кейбір жерлерде тұман түседі.
Павлодар облысында және Шығыс Қазақстан облысының кей аудандарында 15-20 м/с жылдамдықпен жел соғады.
Солтүстік Қазақстан облысының көп бөлігінде түнде, күндіз кейбір жерлерінде бұрқасын жел (15-20 м/с) соғып, кейб жерлерінде тұман болады.
Ақмола облысының кейбір аудандарында түнде және таңертең тұман түсіп, таңертең және күндіз жел (15-20 м/с) тұрады.
Қостанай облысының және Қарағанды облысының кейбір жерлерінде тұман болып, таңертең және күндіз 15-20 м/с жылдамдықпен жел соғады.
Батыс Қазақстан, Атырау және Маңғыстау облысының облысында көктайғақ болып, бұрқасынды жел (15 -20 м/с) тұрады.
Жамбыл, Оңтүстік Қазақстан, Қызылорда, Ақтөбе облыстарында тұман түседі.