+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Қазгидромет: Қазақстанның бірнеше облысында аптап ыстық болады

2021 жылғы 1 тамыз 18:39
Бөлісіңіз:
Қазгидромет: Қазақстанның бірнеше облысында аптап ыстық болады

НҰР-СҰЛТАН. ҚазАқпарат – «Қазгидромет» РМК күнннің қатты ысуына байланысты республиканың 10 облысында ауа райына байланысты ескерту жариялады, деп хабарлайды ҚазАқпарат.

Ұқсас жаңалықтар
Алдағы демалыс күндері ауа райы қандай болады 17 қыркүйек. Күн райына болжам Еліміздің 10 өңірінде ауа райына байланысты ескерту жарияланды

2 тамызда Маңғыстау облысының кей жерлерінде ерекше өрт қауіпі туындайды.

Қызылорда облысында 2 тамыз күндіз жел солтүстік-шығыстан соғады, күші күндіз кей жерлерде 15-20 м/с болады да, соңғы шаңды дауылға ұласады. Күндіз 42 градус аптап ыстық болады. Төтенше өрт қаупі сақталады. Қызылорда қаласында 2 тамыз күні 41 градус қатты ыстық болады.

Ақмола облысының кей жерлерінде 2 тамыз күні найзағай ойнап, солтүстік-батыстан жел соғады, күші кей жерлерінде 15-20 м/с жетеді.

Батыс Қазақстан кей жерлерінде 41 градус ыстық болады, төтенше өрт қауіпі сақталады.

Қостанай облысының кей жерлерінде 2 тамызда түнде және таңертең найзағай ойнайды. Солтүстік-батыстан жел соғып, күші кей жерлерде 15-20 м/с-қа жетеді. Күндіз облыстың оңтүстігінде 36 градусқа дейін аптап ыстық болады. Облыстың оңтүстігінде төтенше өрт қауіпі сақталады.

Жамбыл облысының таулы және тау бөктерлі аудандарында 2-4 тамыз күндері күндіз найзағай ойнап, бұршақ жауады. Кей жерлерде шаңды дауыл тұрады. 2-4 тамызда солтүстік-шығыстан жел соғып, кей жерлерде жылдамдығы секундына 15-20 метрге жетеді. Күндіз 2-4 тамызда облыстың басым бөлігінде 40 градусқа дейін қатты ыстық болып, төтенше өрт қаупі сақталады.

Таразда 2-4 тамызда күндіз солтүстік-шығыстан жел соғып, екпіні 15-20 м/с болады. 3-4 тамызда күндіз 38 градусқа дейін ыстық болады.

Қарағанды облысының кей жерлерінде 31 шілдеде мен 1 тамыз күндері 36 градус қатты ыстық күтіледі. Солтүстік-батыстан соғатын жел солтүстік-шығысқа ауысады, 2 тамызда кей жерлерінде күші 15-20 м/с-ке жетеді. Кей жерлерінде өте жоғары өрт қауіпі сақталады.

Жезқазғанда күндіз 2 тамызда 36 градус қатты ыстық күтіледі.

Түркістан облысында 2 тамызда күндіз 40 градус қатты ыстық болады. Кей жерлерде шаңды дауыл тұрады. Солтүстік-шығыстан жел соғып, кей жерлерде күші 15-20 м/с-қа жетеді. Кей жерлерде төтенше өрт қаупі сақталады. Шымкентте 2 тамызда таңертең және күндіз солтүстік-шығыстан жел соғады, екпіні 15-20 м/с.

Түркістан қаласында 2 тамызда таңертең және күндіз солтүстік-шығыстан жел соғады, екпіні 15-20 м/с.

2 тамызда Солтүстік Қазақстан облысының кей жерлерінде найзағай ойнайды. Түнде және таңертен кей жерлерде тұман түседі. Солтүстік-батыстан жел соғады, күндіз кей жерлерде күші 15-20 м/с болады.

Петропавлда 2 тамызда түнде және таңертен тұман түседі. Солтүстік-батыстан жел соғады, күндіз екпіні 15-20 м/с болады.

2 тамызда Павлодар облысының кей жерлерінде найзағай ойнайды, солтүстік-батыстан жел соғады, найзағай кезінде желдің екпіні 15-20 м/с болады. Күндіз кей жерлерінде 35 градус аптап ыстық болады.

Павлодар қаласында 2 тамызда таңертең және күндіз найзағай ойнап, солтүстік-батыстан жел соғады, найзағай кезінде желдің екпіні 18 м/с болады.

Күндіз 1-5 тамызда Ақтөбе облысының кей жерлерінде 40-41 градус өте қатты ыстық күтіледі. Төтенше өрт қауіпі сақталады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT