Қазгидромет: Қаңтардағы жауын - Алматыға тән табиғи құбылыс

None
None
АЛМАТЫ. ҚазАқпарат - Кешеден бері Алматыда жауын құйып тұр. Қыстың қаһарына мінер қаңтарында болған мұндай құбылысты синоптиктер оңтүстік астанамыз үшін тосын мінез емес деп отыр.

«Казгидромет» РМК Алматы бөлімшесінің метеорологиялық болжау бөлімінің басшысы Светлана Аманқұлова қаңтардың ортасына дейінгі ауа райы болжамымен бөлісті.
«Желтоқсан мен қаңтар айларында жауынның арты қарға ұласуы Алматы үшін тән құбылыс. Мұндай ауа райы таулы аймақ бөктерінде орналасқан аудандарда жиі болады. Мұнда қыс жылы. Қазір ауа массасы оңтүстік батыстан келіп жатыр. Соңғы күндері Алматы +5+10 градус жылы. 6 қаңтарда жауын-шашын тоқтайды. Түнгі ауа температурасы 3-5 градус болса, күндізгі ауа температурасы 0 градус шамасында болады», - деді Светлана Аманқұлова.
Маманның айтуынша, православтардың «Крещение» мерекесі қарсаңында да Алматыда күн жылы болады. «8-9 қаңтарда жауын-шашын жаумайды. Тағы да оңтүстіктен жылы циклон келіп, жылы ауа райы орнайды. Алматы облысында ең қатты дегенде 7-10 градус аяз болуы ықтимал», - деді С.Аманқұлова.

Соңғы жаңалықтар