Қазгидромет: Бүгін еліміздің басым бөлігінде ауа райы құбылмалы
Жауын жауып, тек елдің батысында және оңтүстігінде ғана күн ашық. Кей жерлерде жел күшейіп, тұман түсіп, көктайғақ болып, тіпті боран да соғады. Бұл туралы ҚазАқпарат «Қазгидромет» РМК-на сілтеме жасай отырып хабарлайды.
«Қазгидромет» мәліметтеріне қарағанда, Солтүстік Қазақстан, Қарағанды, Шығыс Қазақстан облыстарының кей жерлеріне тұман түсіп, көктайғақ болып, желдің жылдамдығы секундына 15-20 метрге жетеді. Шығыс Қазақстан облысында боран соғады.
Ақмола облысының бірқатар аумақтарында тұман түсіп, түнде боран соғады, көктайғақ болып, күндіз желдің жылдамдығы секундына 15-20 метрге жетеді.
Алматы облысының кей жерлерінде тұман түсіп, желдің жылдамдығы 15-20 м/с-қа жетеді. Қостанай облысының басым бөлігінде жел секундына 15-20 метр жылдамдықпен ұйтқиды. Кей жерлерге тұман түседі.
Қызылорда, Атырау, Батыс Қазақстан, түнде Павлодар облыстарының бірқатар аумақтарында тұман түседі.
Жамбыл облысында түнде және таң ата кей жерлерде жел секундына 15-20 метр жылдамдықпен еседі, екпіні 23 метрге жетеді.
Жамбыл облысында түнде қазанның 20-21 күндері бірқатар аумақтарда 1-3 градус аралығында үсік жүреді.