Қазгидромет болжамы: Алдағы үш күн жаңбырлы болады

НҰР-СҰЛТАН. ҚазАқпарат – Алдағы үш күнде Қазақстанның солтүстігінде нөсер жауын жауып, күн күркірейді, деп хабарлайды ҚазАқпарат «Қазгидромет» РМК баспасөз қызметіне сілтеме жасап.

Синоптиктердің мәліметінше, республиканың батыс, солтүстік-батыс бөлігіне солтүстік-батыс антициклоны ықпал етіп, алдағы тәуліктерде мұнда күн негізінен құрғақ және ашық болады.