Валюта бағамдары:
    usd/kzt 462.04 eur/kzt 504.09

    rub/kzt 6.74 cny/kzt 68.12
Ауа райы:
Астана-10-12℃
  Jańalyqtar  >

Қазан айында Қазақстанда қанша кредит берілді

2022 жылғы 29 қараша, 22:42

АСТАНА. ҚазАқпарат – ҚР Ұлттық банкі биылғы қазан айындағы қаржы нарығы ахуалына шолу ұсынды, деп хабарлайды ҚазАқпарат.

Кредит нарығында екінші деңгейлі банктердің экономиканы кредиттеуі көбінесе жеке тұлғалар кредиті есебінен ұлғайып, 21 481 млрд теңге болды. Кредиттердің негізгі үлесі екінші деңгейлі банктерден алынған. Жеке тұлғаларды кредиттеу 2,4% артты. Жеке тұлғалар арасында тұтынушылық несиелер сұранысқа ие болған – 7 302,1 млрд теңге.

Сонымен бірге қазанда баспана жалдау ақысының айтарлықтай көтерілуі және «7-20-25» бағдарламасында қаражаттың белсенді игерілуі аясында ипотекалық кредиттеудің өсу қарқыны жоғарылап, 4 443,3 млрд теңгеге жеткен.

Жылдық мәнде заңды тұлғалардың несие алуы артқан. Мәселен, қыркүйекте 9,1% болса, қазанда 11,4% құрады. Бұл ретте ақпандағы ең жоғарғы көрсеткішпен (15,6%) салыстырғанда жылдық өсу қарқыны баяулаған.

Сонымен қатар ақпан-наурыздағы ең жоғары көтерілуден кейін теңгенің айырбастау бағамының нығаюы валюталық қайта бағалау есебінен заңды тұлғалардың кредиттік портфелінің статистикалық төмендеуіне әкелді. Заңды тұлғалардың кредиттік портфелінің айлық өсуі 0,8% дейін баяулады.

Ұлттық валютадағы кредиттердің көлемі 19 723,7 млрд теңгеге дейін а/а 2% ұлғайды. Оның ішінде заңды тұлғаларға берілген кредиттер 6 352,1 млрд теңгеге дейін 1,1%, жеке тұлғаларға берілген кредиттер – 13 371,6 млрд теңгеге дейін 2,4% артқан. Шетел валютасындағы кредит көлемі 1 757,3 млрд теңгеге жеткен.

Жеке тұлғаларға валюталық қарыздар 2022 жылғы ақпаннан 24,2% азайды. Шағын кәсіпкерлік субъектілерін кредиттеу қазанда 4 280,7 млрд теңгеге дейін 1,2% ұлғайған.

Нәтижесінде теңгедегі кредиттердің үлес салмағы 2022 жылғы қазанның соңында 91,8% болған (2021 жылғы желтоқсанда – 89,7%).

Сондай-ақ қазан айында ұзақ мерзімді қарыздармен салыстырғанда қысқа мерзімді кредиттердің артуы жалғасты. Қысқа мерзімді кредит беру 3%, ұзақ мерзімді кредиттер 1,6% ұлғайған.


Автор:

Айжан Серікжанқызы

Новости по теме
Ұқсас жаңалықтар
Серіктестер жаңалықтары