Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Қазақстанның ЖОО-лары Б. Ельцин атындағы УрФУ-мен бірлесе «ЭКСПО-2017» көрмесіне жобалар экспозициясын әзірлейді

2014 жылғы 14 қараша 17:17 64
Бөлісіңіз:
Қазақстанның ЖОО-лары Б. Ельцин атындағы УрФУ-мен бірлесе «ЭКСПО-2017» көрмесіне жобалар экспозициясын әзірлейді

АСТАНА. ҚазАқпарат - Ресейдің Тұңғыш Президенті Б. Ельциннің атындағы Урал федералдық университеті Қазақстанның алдыңғы қатарлы жоғары оқу орындарымен бірге «ЭКСПО-2017» көрмесіне жасыл технология мен энергетика саласында жобалар экспозициясын даярлайды. Бұл туралы «ҚазАқпарат» тілшісіне аталған оқу орнының ректоры Виктор Кокшаров айтты.

«Біз өз тарапымыздан аталған салада көптеген жобаларды ұсына аламыз. Бүгінде Қазақ ұлттық техникалық университетімен, сондай-ақ Л.Н. Гумилев атындағы ЕҰУ-мен өзара іс-қимылдарды бастап отырмыз. Атап айтқанда біз «ЭКСПО-2017» көрмесіне дайындалып жатырмыз. Жасыл технология мен энергетика саласында бірлескен жобалардың экспозициясы әзірленеді», - деді ректор бүгін Астанадағы «Эксперт-200-Қазақстан» ұлттық бизнестің алтыншы экономикалық форумы барысында.

Оның сөзіне қарағанда, ресейлік тарап Қазақстанға дәстүрлі емес энергия көздерін пайдалану бағытындағы жобаларды ұсынды.

«Біздің Урал энергетика институты бірқатар қазіргі заманғы жобаларды ұсынуда, оның ішінде құбырлар элементтерін тазарту, радиациялық материалдар мен қалдықтардан цистерналарды тазарту және басқа да ұсыныстарымыз бар. Сонымен қатар бізде дәстүрлі емес энергия көздері, оның ішінде толқынды, жел энергетикасы бағытында жобалар бар», - деп тоқталды В. Кокшаров.

Мұнымен қоса ол университет жобалар бойынша өзара тиімді негізде бірлесе ынтымақтасып жұмыс істеуге мүдделі екенін атап өтті.

«Қазақстан бүгінде уран өндірісінде әлемде бірінші орынға шығып отыр. Сонымен қатар сіздерде атом энергетикасын  дамыту бойынша жоспар бар. Мұнымен қоса елдеріңіз энергетикалық уран шығаратын Урал электрохимиялық комбинатының тең иегері болып танылды. Осы орайда Ресейде ірі университеттің бірі ретінде біздің оқу орнымыз бұл салаларда ынтымақтасып жұмыс істеуге қауқарлы», - деді ректор.

 

Біздің каналымызға жазылыңыз:

Басты сөздер: ЖОО-лар, Білім, EXPO-2017,
Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT