19:19, 28 Маусым 2019 | GMT +6
Қазақстанның үздік радиостанциясы белгілі болды
НҰР-СҰЛТАН. ҚазАқпарат - «Қазмедиа» орталығында өтіп жатқан «Үркер-2019» ұлттық байқауында «Жыл радиостанциясы» аталымы бойынша жеңімпаз ұжым анықталды, деп хабарлайды ҚазАқпарат тілшісі.
«Жыл радиостанциясы» аталымына төрт ұжым ақтық үміткер ретінде бақ сынаған болатын:
«Радио Классик»
«Орда ФМ»
«Радио Астана»
«Алау»
Солардың арасынан «Радио Классик» үздік шықты.
Еске салсақ, «Қазмедиа» орталығында өтіп жатқан «Үркер-2019» байқауында «Жыл фотографиясы», «Жыл репортажы» , «Жылдың аналитикалық материалы», «Жыл журналистік зерттеуі», «Жыл сұхбаты», «Қазақстан туралы жылдың танымдық материалы» аталымдары бойынша жеңімпаздар анықталған болатын. Сондай-ақ, ҚазАқпарат тілшісі Аян Өрібаев «Үркер» ұлттық сыйлығын жеңіп алды
Үшінші жыл қатарынан өтіп жатқан «Үркер-2019» ұлттық байқауының қорытындысы биыл ресми бекітілген БАҚ қызметкерлері күніне дөп келіп отыр.