Қазақстанның үздік әлеуметтік қызметкерлері марапатталды
Конкурсты Қазақстан Республикасы Еңбек және халықты әлеуметтік қорғау министрлігі (бұдан әрі - ҚР Еңбекмині) жергілікті атқарушы органдармен бірлесіп, әлеуметтік қорғау жүйесіндегі мамандардың беделін арттыру және осы саладағы озық тәжірибені тарату мақсатында ұйымдастырды.
9 номинация бойынша өткен байқауға қатысу үшін барлығы 76 өтінім келіп түсті. Номинациялар бойынша жеңімпаздарды республикалық конкурстық комиссия анықтады. Сонымен қатар, 3 номинант ҚР Еңбекминінің сайтында өткен онлайн-дауыс беру нәтижелері бойынша анықталды.
Осылайша, Маңғыстау облысынан Төлебике Елубаева 2019 жылдың үздік әлеуметтік қызметкері болса, Шығыс Қазақстан облысынан келген Әлия Михайлова зейнетақы жүйесінің үздік қызметкері атанды.
«Жұмыспен қамту орталығының үздік қызметкері» номинациясында Ақтөбе облысынан Венера Урумбаева жеңімпаз болды. Солтүстік Қазақстан облысынан Анар Әбдірахманова әлеуметтік сақтандыру жүйесінің үздік қызметкері деп танылды.
«Үздік медициналық-әлеуметтік мекеме» номинациясында Алматы қаласының №2 арнайы әлеуметтік қызметтерді көрсету орталығы жеңімпаз атанды. «Үздік әлеуметтік үкіметтік емес ұйым» номинациясында Қызылорда облысының мүгедек балаларға арналған «Шапағат» оңалту орталығы марапатталды. «Медициналық-әлеуметтік сараптаманың үздік қызметкері» номинациясында Павлодар облысынан Жанар Молжанова жеңімпаз атанды. Нұр-Сұлтан қаласынан Қалихан Құқанбеков әлеуметтік саланың үздік менеджері-ұйымдастырушысы болды. Үздік мемлекеттік еңбек инспекторы ретінде Батыс Қазақстан облысынан келген Серік Темірғалиев танылды.
Онлайн дауыс беру нәтижелері бойынша келесі жеңімпаздар анықталды: 1 орын (5338 дауыс) Қызылорда қаласының № 1 арнайы әлеуметтік қызмет көрсету орталығына, 2 орын (4272 дауыс) Алматы қаласының №2 Арнайы әлеуметтік қызмет көрсету орталығына бұйырды, үшінші орынды (2369 дауыс) дбұйырды. Нұр-Сұлтан әкімдігінің «Үміт» дағдарыс орталығының директоры Қалихан Құқанбеков еншіледі.
Байқау жеңімпаздары дипломдармен, стеллалармен және ақшалай сертификаттармен марапатталды.
Сонымен қатар, салтанатты рәсім барысында әлеуметтік қорғау жүйесінің қызметкерлеріне «Әлеуметтік еңбек саласының үздігі» төсбелгісі табысталды. Олардың арасында – ҚР Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитетінің Павлодар облысы бойынша департаментінің №1 медициналық-әлеуметтік сараптама бөлімінің бастығы Ольга Кузнецова, Қостанай қаласындағы әлеуметтік қызметтерді көрсету орталығында мүгедектерге және 18 жастан асқан мүгедектерге күтім жасау жөніндегі әлеуметтік қызметкер Светлана Переузник; Республикалық протездік-ортопедиялық орталықтың протездік-ортопедиялық өнімдерінің позиторы Мұратхан Қасымханова, сонымен қатар жұмыспен қамтуды үйлестіру және әлеуметтік қызметтерді басқару бөлімінің әкімшілік-құқықтық бөлімінің жетекші маманы Күлсара Қарсымбаева.
Сала ардагерлеріне «Арбек Ардагері» медалі табыс етілді. Бұл - Қазақстан Республикасы Еңбек және халықты әлеуметтік қорғау министрлігі Еңбек, әлеуметтік қорғау және көші-қон комитеті Ақмола облысы бойынша департаментінің әлеуметтік мәселелер жөніндегі орынбасары ретінде қызмет атқарған Ырысты Закирянова, Батыс Қазақстан облысының «Кушум» арнайы әлеуметтік қызметтер орталығы палаталарының мейіргері Ольга Меняйлова, Жамбыл облысы Шу ауданы әкімдігінің жұмыспен қамту және әлеуметтік бағдарламалар бөлімінің бас маманы Сағатгүл Шоңараева.