Қазақстанның төрт өңірінде күшті жел соғады

АСТАНА. ҚазАқпарат - Қазақстанның төрт өңірінде күшті жел соғуы мүмкін, деп хабарлайды ҚазАқпарат Қазгидрометке сілтеме жасап.

27 қазан күні Солтүстік Қазақстан облысында жел оңтүстік-батыстан, батыстан секундына 15-20 метр жылдамдықпен соғады, екпіні 25 м/с-қа дейін жетуі мүмкін. Петропавлда 27 қазанда жел оңтүстік-батыстан, батыстан соғады, екпіні 15-20 м/с-қа дейін жетуі ықтимал.

27 қазан күні Қостанай облысында жел солтүстік-батыстан секундына 15-20 метр жылдамдықпен соғады.

Ақмола облысында 27 қазанда оңтүстіктен, оңтүстік-батыстан соққан жел күшейіп, екпіні 15-20 м/с-қа дейін жетеді. Астанада 27 қазанда жел оңтүстіктен және оңтүстік-батыстан соғады. Екпіні секундына 15-20 метрге дейін жетуі мүмкін.

27 қазанда Маңғыстау облысының кей жерлерінде желдің жылдамдығы 15-20 м/с-қа дейін жетеді. Ақтауда 27 қазанда желдің екпіні секундына 18 метр болады.

Осыған дейін елімізде демалыста күн суытатыны хабарланған болатын.